इटहरी (हाम्रो खेलकुद)– नेपाल एपिएफ क्लबले प्रधानमन्त्री कप महिला राष्ट्रिय क्रिकेट प्रतियोगिताको उपाधि जितेको छ । सुदूरपश्चिममाञ्चललाई इटहरी स्थित डिभिएम ग्लोबल स्कुलको क्रिकेट मैदानमा बुधबार ८ विकेट हराउँदै एपिएफ च्याम्पियन बनेको हो ।
तस्बिरः सीपी पाैडेल
टस जितेर पहिले ब्याटिङ रोजेको सुदूरपश्चिमले निर्धारित २० ओभरमा ७ विकेट गुमाउदै ५७ रन मात्र बनायो । जवाफमा एपिएफले १४.१ ओभरमा २ विकेट गुमाएर लक्ष्य प्राप्त गरेको थियो । एपिएफको लागि सरिता मगरले २२ र सीता राना मगरले १६ रन जोडिन् । सुदूरपश्चिमकी रेखा रावल र डली भट्टले समान १ विकेट लिए ।
त्यसअघि सुदूरपश्चिमञ्चलका लागी सम्झना खड्काले अविजित १६ रन बनाइन् । अन्य खेलाडीले भने दोहोरो अंकमा रन बनाउन सकेनन् । एपिएफकी रितु कनौजियाले ३ विकेट लिइन् ।
च्याम्पियन एपिएफले उपाधिसहित एक लाख रुपैयाँ र सुदूरपश्चिमाञ्चलले ५० हजारमा रुपैयँ प्राप्त गर्यो । प्रतियोगिताकी सर्वोत्कृष्ट खेलाडी घोषित भएकी सुदूरपश्चिमकी रेखा रावलले १० हजार रुपैयाँ प्राप्त गरिन् । ब्याट्सवुमन एपिएफकी सीता राना मगरतथा बेष्ट ब्याट्सवमन र करूणा भण्डारी बेष्ट बलर चुनिए । दुवैले समान ५ हजार रुपैयाँ प्राप्त गरे ।
