काठमाडौं (हाम्रो खेलकुद)- अस्ट्रेलियामा जारी टप एन्ड टि-ट्वान्टी सिरिजमा पाकिस्तान साहिन्सले नेपाललाई जितको लागि १ सय ४५ रनको चुनौती दिएको छ।

टस जितेर पहिले ब्याटिङ गरेको पाकिस्तानले ३० ओभरमा ९ विकेट गुमाउँदै १ सय ४४ रन बनायो। पाकिस्तान विरुद्ध नेपालले राम्रो सुरुवात गर्यो। पहिलो ओभरमा नन्दन यादवले मात्र २ रन दिए।

दोस्रो ओभरमा दीपेन्द्र सिंह ऐरीले २ विकेट लिए। १ रन बनाएका माझ सदाकत दीपेन्द्रको बलमा रोहित पौडेलद्वारा क्याच आउट भए। लगतै २ रन जोडेका मोहम्मद फैक बोल्ड आउट भए। २ विकेट गुमाउँदा पाकिस्तानले मात्र ४ रन बनाएको थियो।

त्यसपछि यासिर खान र अब्दुल समादले तेस्रो विकेटको लागि ४० रनको साझेदारी गरे। १८ रन बनाएका ओपनर यासिर कुशल भुर्तेलको बलमा सन्दीप‌ लामिछानेबाट क्याच आउट भए।

घाज घोरी सोमपाल कामीको बलमा बोल्ड आउट भए। उनले ४ रन बनाए। ४९ रन बनाउँदा पाकिस्तानले ४ विकेट गुमाएको थियो।

११ औं ओभरमा नन्दनले २ विकेट लिए। २५ बल खेलेर २६ रन बनाएका अब्दुल समाद कुशलद्वारा क्याच आउट भए। लगतै ३ रन जोडेका मुबासिर खान छैटौं विकेटको रुपमा पबिलियन फर्किए। ६ विकेटको नोक्सानीमा ६० रन बनाएको पाकिस्तानले ब्याटिङमा संघर्ष गर्यो।

सातौ विकेट सोमपालले लिए। मेहरान मुम्ताज १० रनमा गुलशनद्वारा समातिए। कप्तान ईरफान खानले २६ बलमा ३ चौका र १ छक्का सहित अविजित ४२ रन बनाए। सोमपालले सर्वाधिक ३ तथा नन्दन र दीपेन्द्र
ले २/२ विकेट लिए।