एजेन्सी – कप्तान सलमान आघाले अविजित अर्धशतक र तीब्रगतिका बलर हारिस रऊफले ४ विकेट लिएपछि पाकिस्तानले शुक्रवार त्रिकोणात्मक सिरिजको पहिलो खेलमा अफगानिस्तानलाई ३९ रनले पराजित गर्‍यो।

शारजाहमा भएको आघाले ३६ बलमा ५३ अविजित रन बनाए । जसमा ३ छक्का र ३ चौका समावेश थियो। त्यसकै आधारमा पाकिस्तानले निर्धारित २० ओभरमा ७ विकेटको क्षतिमा १ सय ८२ रन बनायो।

बलिङतर्फ रऊफले ४ विकेट लिएर ३१ रन खर्चिए । शाहिन शाह अफ्रिदीले, स्पिनर मोहम्मद नवाजले समान २ विकेट लिएको १६ हजार दर्शक उपस्थित खेलमा अफगानिस्तान १९.५ ओभरमा १ सय ४३ रनमै अलआउट भयो।

अफगानिस्तानका ओपनर रहमानुल्लाह गुरबाजले २७ बलमा‌ १ छक्का र ३ चौकासहित ३८ रन बनाए। उनले दोस्रो विकेटका लागि सेदीकुल्लाह अतलसँग ५१ रनको साझेदारी गरे। अतलले २३ रन जोडे।

तर रऊफले १२औं ओभरमै लगातार २ विकेट लिँदै पाकिस्तानको पकड बलियो बनाए । उनले अतल र करिम जनतलाई शून्यमा पभेलियन पठाए।

कप्तान राशिद खानले मात्र प्रतिरोध गर्ने प्रयास गरे। उनले १६ बलमा ५ छक्का र १ चौकासहित ३९ रन बनाए । रऊफकै बलमा उनी आउट भएपछि अफगानिस्तानको आशा समाप्त भयो।

त्यसअघि पाकिस्तानको इनिङ्समा आघाले चौथो टि ट्वान्टी आई अर्धशतक पूरा गरे। ओपनर साहिबजादा फरहानले १० बलमा २ छक्का र १ चौकासहित २१ रन जोडे।

आघाले नवाजसँग पाँचौं विकेटका लागि ५३ रनको साझेदारी गरे। नवाजले ११ बलमा २ छक्का र १ चौकासहित २१ रन जोडे। अन्तिम पाँच ओभरमा पाकिस्तानले ५१ रन जोड्दै सानदार स्कोर तयार गर्‍यो।

पाकिस्तानले अब शनिवार आयोजक युएईसँग खेल्नेछ। सिरिजमा तीनै टोलीले एक–अर्कासँग दुई पटक खेल्नेछन्। शीर्ष दुई टोलीले सेप्टेम्बर ७ मा फाइनल खेल्नेछन्।