‘व्यक्तिगत स्वार्थ भन्दा उठ्न नसकेको मेरो देश’- क्यानका सचिव खड्का

काठमाडौं (हाम्रो खेलकुद)- नेपाल क्रिकेट संघ (क्यान) का सचिव पारस खड्काले अहिले अवस्थाप्रति नैराश्यता व्यक्त गरेका छन्।

जेन जी पुस्ताले काठमाडौंमा आज गरेको भ्रष्टाचार विरोधको प्रदर्शनमा सरकारी दमनपछि कम्तिमा १६ जनाको ज्यान गएको छ। जेन जीको आव्हानमा देशका विभिन्न सहरमा स्वत स्फुर्त प्रदर्शन भएको थियो।

राष्ट्रिय क्रिकेट टोलीका पूर्व कप्तान समेत रहेका खड्काले हरेक क्षेत्रमा व्यक्तिगत स्वार्थ भन्दा उठ्न नसकेको मेरो देश भन्दै व्यंग्य गरेका छन्।

आज दिउँसो उनले सामाजिक सन्जाल फेसबुकमार्फत यसरी भावना पोखेका छन्।

हाम्रो देश,
नामको देश जता हेरे, त्यतै निराशा, काम भन्दा भाषण बढी,
गलत र सही मूल्याङ्कन नभएको सामाजक मानसिकता, हरेक क्षेत्रमा व्यक्तिगत स्वार्थ भन्दा उठ्न नसकेको मेरो देश,
मृत्यु हुने प्रति हार्दिक श्रद्धाञ्जली।
शहीद भएका छन्, धेरैलाई बनाइएको छ,
सायद मर्नु शहीद हुनु हो भने,
हामी सबै धेरै अघि नै शहीद भइसकेका छौं।
निशब्द ।