भारतको‌ विजयी सुरुवात

एजेन्सी – साविक विजेता भारतले हितका साथ एसिया कपको यात्रा सुरु गरेको छ।

दुबईमा जारी एसिया कपको आफ्नो पहिलो खेलमा भारतले संयुक्त अरब इमिरेट्स (युएई) लाई ५७ रनमै अलआउट गर्दै ९ विकेटको जित निकाल्यो ।

युएईले २ विकेटको‌ नोक्सानीमा ४७ रन जोडेर राम्रो सुरुवात गरे पनि ५ ओभरमै बाँकी ८ विकेट गुमाएर ५७ रनमै समेटियो।

भारतका कुलदीप यादवले २.१ ओभरमा ७ रन दिँदै ४ विकेट लिए। जसप्रित बुमराहले ओपनर अलिशान शराफु (२२) लाई बोल्ड गरे । कप्तान मुहम्मद वसीम (१९) लाई कुलदीपले एलबिडब्लु आउट गरे।

यी दुई बाहेक अन्य ब्याटर दोहोरो अंकमा रन बनाउन सकेनन्। भारतविरुद्धको कुनै पनि टोलीको सबैभन्दा कम टि ट्वान्टी रनको योगफल हो।

जवाफी ब्याटिङमा भारतले लक्ष्य ४.३ ओभरमै भेट्टायो। ओपनर अभिषेक शर्माले १६ बलमा ३ छक्का र २ चौकासहित ३० र बनाए भने शुभमन गिल ९ बलमा २० रनमा नटआउट रहे। कप्तान सूर्यकुमार यादव ७ रनमा नटआउट रहे।

भारतले अब आइतवार पाकिस्तानसँग दोस्रो खेल खेल्नेछ। यो समूहमा ओमान पनि छ । अर्को समूहमा अफगानिस्तान, श्रीलंका, बंगलादेश र हङकङ छन्। समूहका शीर्ष दुई टोली सुपर फोरमा पुग्नेछन्।