एजेन्सी‌ – बंगलादेशले जितका साथ एसिया कपको सुरुवात गरेको छ।

कप्तान लिटन दासले ३३ बलमै अर्धशतक प्रहार गरेपछि बिहीवार बंगलादेशले हङकङलाई ७ विकेटले हरायो।
पहिला ब्याटिङ गरेको हङकङले २० ओभरमा ७ विकेट गुमाउँदै १ सय ४३ रन बनायो ।

जवाफमा दासले ३९ बलमा ५९ रन बनाउँदै बंगलादेशलाई १४ बल बाँकी छँदै लक्ष्यमा पुर्‍याए।
अबुधाबीमा टस जितेर पहिले फिल्डिङ रोजेको बंगलादेशले पावरप्लेभित्रै २ विकेट झार्यो।

निजाकत खानले ४० बलमा ४२ रन बनाएर हङकङलाई केही हदसम्म सम्हाल्ने प्रयास गरे । तर टेस्ट खेल्ने टोली बंगलादेशविरुद्ध फराकिलो इनिङ बनाउन सकेनन्।

तीव्र गतिका बलर तन्जिम हसन साकिब बंगलादेशका उत्कृष्ट बलर बने । उनले २१ रन दिँदै २ विकेट लिए। अर्का बलर तास्किन अहमद र लेगस्पिनर रिशाद हुसैनले पनि समान २ विकेट लिए।

बंगलादेशले पनि पावरप्लेमा २ विकेट गुमायो। तर अनुभवी दासले आक्रामक ब्याटिङ गर्दै टोलीलाई पुनः लयमा फर्काए । उनले ६ चौका र १ छक्का प्रहार गर्दै तौहीद हृदयसँग तेस्रो विकेटका लागि ९५ रनको साझेदारी गरे।

जितका लागि २ रन बाँकी रहँदा दास आउट भए। नटआउट ३५ बनाएका हृदयले १८औं ओभरमा जितको रन प्रहार गर्दै बंगलादेशलाई विजयी सुरुवात गराए।

एसिया कपको समूह ‘ए’ मा आज पाकिस्तान र ओमान बीच खेल हुनेछ। यो समूहमा भारत र युएई छन् । बंगलादेश, हङकङसहित समूह ‘बी’ मा अफगानिस्तान र श्रीलंकाका छन् ।