एजेन्सी – पाकिस्तानले एसीसी एसिया कप टी-२० प्रतियोगितामा भारतलाई १ सय २८ रनको सामान्य लक्ष्य दिएकाछ । दुबई क्रिकेट रंगशालामा टस जितेर पहिला ब्याटिङ रोजेको पाकिस्तानले निर्धारित २० ओभरमा ९ विकेट गुमाउँदै १ सय २७ रन बनायो ।

पाकिस्तानका ओपनर सहिबजादा फहरानले ४४ बलमा १ चौका र ३ छक्कासहित सर्वाधिक ४० रन बनाए । तीव्र गतिका बलर शाहिन शाह अफ्रिदीले तल्लोक्रममा १६ बलमा ४ छक्कासहित अविजित ३३ रन बनाउँदै पाकिस्तानलाई १ सय रनको आकडा पार लगाए । फखर जमानले १५ बलमा ३ चौकासहित १७ रन बनाउँदा अन्यको प्रदर्शन सम्झन लायक रहेन ।

मध्यगतिका बलर हार्दिक पान्ड्याको पहिलो बलमै ओपनर सैम अयुब जस्प्रित बुमराहलाई प्वाइन्टमा सहज क्याच दिदै आउट भएका थिए । अर्को ओभरमा जस्प्रित बुमराहको बलमा ठूलो सट खेल्न खोज्दा विकेटकिपर मोहम्मद हरिस ३ रनमै हार्दिक पान्ड्याबाट क्याच आउट हुँदा पाकिस्तान ६-२ को अवस्थामा पुगेको थियो ।

तेस्रो विकेटलाई फखर जमान र सहिबजादा फहरानले ३९ रनको साझेदारी गर्दै पाकिस्तानलाई खेलमा आशा देखाएका थिए । स्पिनर अक्षर पटेलको बलमा अघि बढेर ठूलो सट खलेको जमानको बल लङअनबाट दौडिएर आएरका तिलक बर्माले क्याच लिएपछि साझेदारी तोडिएको थियो । त्यसपछि भने भारतको स्पिन बलिङ सामु पाकिस्तानको मध्यक्रम सम्हाल्नि सकेन ।

खराब सट खेल्दै कप्तान सलमान अली अघा १२ बलमा ३, हसन नवाज ५ र मोहम्मद नवाज डक आउट भए । कुलदीप यादवले १३ औं ओभरको चौथो बलमा हसन नवाज र पाँचौं बलमा मोहम्मद नवाजलाई आउट गर्दै पाकिस्तानलाई ६४-६ को दयनीय अवस्थामा पुर्याएका थिए । तल्लोक्रममा फहिम अशरफ र सुफ्यान मकीवले १० रन जोडे ।

भारतका स्पिनर कुलदीप यादवले ४ ओभरमा १८ रन खर्चेर ३ विकेट लिए । स्पिनर अक्षर पटेल र जस्प्रित बुमराहले २-२ विकेट लिए । हार्दिक पाण्ड्या र बरुण चक्रवर्तीले १-१ विकेट लिए ।