एजेन्सी – भारतले एसीसी टी ट्वान्टी एसिया कपमा पाकिस्तानविरुद्ध टस जितेर पहिला फिल्डिङ गर्ने निर्णय लिएकोछ । दुबई क्रिकेट रंगशालामा भारतका कप्तान सूर्यकुमार यादवले टस जितेर पहिला फिल्डिङ गर्ने निर्णय लिएका छन् ।

भारत र पाकिस्तान दुबैले टोलीमा दुई परिवर्तन गरेका छन् । भारतले पछिल्लो खेलमा ओमानविरुद्ध खेलेका हर्षित राना र अर्शदीप सिंहलाई बेन्चमा राख्दै जस्प्रित बुमराह र बरुण चक्रवर्तीलाई मैदान उतारेको छ । पाकिस्तानले पछिल्लो खेलमा युएईविरुद्ध खेलबाट हसन नवाज र खुशदील शाहलाई बेन्चमा राख्दा हुसेन तालत र फहिम अशरफलाई आज खेलाएको छ ।

समूह चरणमा दुबै टोलीले हात मिलाएका थिएनन् । टसमा पनि दुबै कप्तानले हात मिलाएका थिएनन् । ठूलो विवादकाबीच खेलेका यी दुई देशका कप्तानले आजको खेलमा एकले अर्कालाई टसको समयमा हेरेनन् । टस जितेर सूर्य हात नमिलाई फर्किएका छन् ।

पाकिस्तानको प्लेइङ ११

शहिबजादा फरान, सैम अयुब, फखर जमान, सलमान अली अघा, हुसेन तालत, मोहम्मद नवाज, शाहिन शाह अफ्रिदी, हरिस रौफ, मोहम्मद हरिस, अब्रार अहमद र फहिम अशरफ ।

भारतको प्लेइङ ११ :

अभिषेक शर्मा, शुभमन गिल, सन्जु स्यामसन, सूर्यकुमार यादव, तिलक बर्मा, हार्दिक पान्ड्या, अक्षर पटेल, बरुण चक्रवर्ती, कुलदीप यादव, जस्प्रित बुमराह र शिबम दुबे ।