एजेन्सी ( पाकिस्तानले एसीसी टी ट्वान्टी एसिया कपको सुपर फोर खेलमा श्रीलंकालाई ५ विकेटले हराउँदै फाइनलको सम्भावना कायमै राखेको छ । जित्नलाई १ सय ३४ रनको लक्ष्य पछ्याएको पाकिस्तानले १८ ओभरमा ५ विकेट गुमाउँदै पूरा गर्यो ।

पाकिस्तानका मोहम्मद नवाज २४ बलमा ३ चौका र ३ छक्कासहित सर्वाधिक ३८ तथा हुसन तालत ३० बलमा ४ चौकासहित ३२ रनमा अविजित रहे । ओपनर शहिबजादा फरानले १५ बलमा २ छक्का र १ चौकासहित २४, फखर जमान १७, मोहम्मद हरिस १३, सैम अयुब २ र कप्तान सलमान अली अघा ५ रनमा आउट भए ।

श्रीलंकाका महेश थिक्सेना र वानिन्दु हसरंगाले २(२ तथा दश्मन्था चामिराले १ विकेट लिए ।

त्यसअघि आबुधाबीमा टस हारेर पहिला ब्याटिङ थालेको श्रीलंकाले २० ओभरमा ८ विकेट गुमाउँदै १ सय ३३ रन बनाएको थियो । श्रीलंकाका कामिन्दु मेन्डिसले ४४ बलमा ३ चौका र २ छक्कासहित ५०, पाथुम निसांका ८, कुशल मेन्डिस डक, कुशल परेरा १५, कप्तान चरिथ असलंका २०, दासुन शानका डक, वानिन्दु हसरंंगा १५ र चामिका करुणारत्ने १७ रन बनाए ।

पाकिस्तानका शाहिन शाह अफ्रिदीले ३, हरिस रौफ र हुसन तालतले २(२ तथा अब्रार अहमदले १ किकेट लिए । श्रीलंका पहिलो खेलमा बंगलादेशसँग ४ विकेटले हारेको थियो । अब भारतसँग शुक्रबार अन्तिम खेल खेल्नेछ । पाकिस्तान पहिलो खेलमा भारतसँग ५ विकेटले हारेको थियो । अब बिहीबार बंगलादेशसँग खेल्नेछन् । बुधबार भारत र बंगलादेश खेल्दैछन् ।