default_image

7 years ago

March 11, 2017

बर्षाले प्रभावित खेलमा केन्यासँग नेपालको हार

कीर्तिपुर (हाम्रो खेलकुद)– विश्व क्रिकेट लिग (डब्लूसिएल) च्याम्पिनसिपअन्तर्गत केन्याविरुद्धको पहिलो खेलमा नेपाल डकवर्थ लेविस (डिएल) का आधारमा ५ विकेटले पराजित भएको छ। कीर्तिपुरस्थित त्रिभुवन विश्वविद्यालय मैदानमा शनिबार बर्षाले प्रभावित खेलमा ओभर घटाइएको थियो । ३८ ओभरमा निर्धारण गरिएको खेल पुनः बर्षाको खेलपछि डर्क वर्थ लेविसका आधारमा खेलाएको थियो । केन्याले डिएलका आधारमा जितका लागि सुरुमा […]

27 views

0 Bookmark

कीर्तिपुर (हाम्रो खेलकुद)– विश्व क्रिकेट लिग (डब्लूसिएल) च्याम्पिनसिपअन्तर्गत केन्याविरुद्धको पहिलो खेलमा नेपाल डकवर्थ लेविस (डिएल) का आधारमा ५ विकेटले पराजित भएको छ।

img_9258

कीर्तिपुरस्थित त्रिभुवन विश्वविद्यालय मैदानमा शनिबार बर्षाले प्रभावित खेलमा ओभर घटाइएको थियो । ३८ ओभरमा निर्धारण गरिएको खेल पुनः बर्षाको खेलपछि डर्क वर्थ लेविसका आधारमा खेलाएको थियो । केन्याले डिएलका आधारमा जितका लागि सुरुमा २९ ओभरमा १ सय ४ लक्ष्य पाएको थियो । २१.२ ओभरमा बर्षाले पुनः खेल रोकिदा केन्याले ५ विकेटको क्षतिमा ८० रन बनाएको थियो । पुनः खेल सुरु हुँदा केन्याले २६ ओभरमा ९४ रनको लक्ष्य पाएको थियो । केन्याले २४.१ ओभरमा ५ विकेट गुमाएर ९८ रन बनाएको थियो ।

सुरुआतमै तीन विकेट गुमाएपछि केही दबाबमा परेको केन्यालाई कप्तान राकेप पटेल र कोलिन्स ओवुयाले सम्हालेका थिए । उनीहरुले चौथो विकेटका लागि ४४ रनको साझेदारी गरेका थिए । सन्दीप लामिछानेले १६.५ ओभरमा ओवुया(२४) को विकेट लिदै उनीहरुको साझेदारी तोडेका थिए । १९ औं ओभरमा सन्दीपले दोस्रो सफलताका रुपमा करन कल(४रन) को विकेट लिएका थिए । केन्याका लागि कप्तान राकेप पटेलले टोलीका लागि सर्वाधिक अविजित ३४ रन बनाएका थिए ।  त्यस्तै गुरुदीप सिंहले अविजित १२ रन जोडे ।

त्यसअघि सागर पुनले छैटौं ओभरको दोस्रो र तेस्रो बलमा लगातार विकेट लिएपछि केन्या केही दबाबमा परेको थियो । उनले इरफान करिम (८) र धिरेन गोन्डारिया (७) को विकेट लिएका थिए । त्यसअघि आफ्नो पहिलो ओभरको दोस्रो बलमै बसन्त रेग्मीले ओपनर एलेक्स ओबान्डा (१) को विकेट लिएका थिए ।

त्यसअघि बर्षाले ५० ओभरको खेल ३८ ओभरमा घटाइएको थियो । टस हारेर ब्याटिङको निम्तो पाएको नेपालले पुरा ३८ ओभर खेल्न नपाउँदै पुनः पानी परेको थियो । नेपालले ३६ ओभरमा ८ विकेट गुमाएर १ सय १२ रन बनाएको थियो । बर्षाले खेल रोकिएपछि नेपालले बाँकी दुई ओभर ब्याटिङको अवसर पाएन भने केन्याले २४.२ ओभरमा ९४ रनको लक्ष्य प्राप्त गरेको थियो ।

लगातार विकेट गुमाएको नेपालले नवौं विकेटका लागि शक्ति गौचन र सोमपाल कामी ३० रनको साझेदारी गरेपछि नेपालले सय रनको आकडा पार गरेको थियो । ३३.३ ओभरमा सोमपालले एक रन लिएपछि नेपालले सय रन पुरा गरेको थियो । नेपालका लागि सबैभन्दा ठूलो साझेदारी गरेका शक्तिले १८ र सोमपालले १५ रन अविजित बनाएका थिए । शक्ति र सोमपालले समान २ चौका प्रहार गरेका थिए ।

पेटको शल्यक्रियापछि ६ दिन अघि मात्र अभ्यासमा फर्केका पारस खड्का शनिबारको खेलमा आराम दिइएपछि ज्ञानेन्द्र मल्लले कप्तानी सम्हालेका थिए । उनले टोलीका लागि सर्वाधिक २७ रन बनाएको थियो । उनले ३५ बलमा ४ चौका प्रहार गरेको थियो । दीपेन्द्र सिंह ऐरीले ५६ बलमा १९ रन बनाएका थिए । सागर पुनले १० रन बनाए भने अन्य कुनै पनि ब्याट्सम्यानले दोहोरो अंकमा रन जोड्न सकेनन् ।  सेम एनगोचेले ३, नेल्सन ओधियाम्बोले २, एलिजा ओटियनो, कप्तान राकेप पटेल, नेहमिया ओधियाम्बोले समान १ विकेट लिए ।

नेपाल र केन्याबीचको दोस्रो खेल सोमबार हुनेछ । ८ राष्ट्रको सहभागिता रहेको डब्लूसिएल च्याम्प्यिनपिमा ९ खेलपछि केन्याको १० अंक पुगेको छ भने नेपालको ६ अंक छ ।  नेदरल्यान्ड्स १६ अंकसहित शीर्षस्थानमा रहेका छन् । अंक तालिकाको शीर्ष ४ स्थानमा रहने टोलीले अर्को बर्ष हुने विश्व कप छनोटमा प्रतिस्पर्धा गर्न पाउनेछन् । त्यस्तै पुछारमा रहँदै डिभिजन २ मा घटुवा हुने ४ टोलीले डिभिजन ३ का शीर्ष दुई टोलीसँग अलग्गै प्रतिस्पर्धा गर्नेछ । राउन्ड रोबिन खेलपछि शीर्ष दुईमा पर्ने टोलीले विश्व कप छनोटमा प्रवेश पाउनेछन् ।

March 29, 2024

इण्डो–नेपाल टि ट्वान्टी- मधेश र तालतला फाइनल भिड्ने

चितवन (हाम्रो खेलकुद)- मधेश प्रदेश र भारतीय टोली तालतला इन्स्टिटाइट कोलकाता चितवनको भरतपुरमा जारी इण्डो–नेपाल टि‌ ट्वान्टी च्याम्पियनसिप क्रिकेटको‌ फाइनलमा भिड्ने भएका छन्। गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शुक्रबार भारतको क्षेत्रीय टोली पिएसआरए ग्रुप लखनउलाई २ विकेटले पराजित गर्दै मधेश फाइनलमा पुगेको हो। जितको लागि लखनउले दिएको १ सय ४८ रनको लक्ष्य मधेशले १९.४ […]

March 29, 2024

लोकेशको शतकका बाबजुद नेपाल ‘ए’ पराजित

काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

Success

Thank you for your time.