काठमाडौं (हाम्रो खेलकुद) – खुकुरी इन्टरटेन्मेन्ट र देवीवास इभेन्ट्स एन्ड मिडिया प्रा.लि. को संयुक्त आयोजनामा प्रथम सुपर–एट क्रिकेट प्रतियोगिता चैत १५ गते सुरु हुने भएको छ । २० टोलीको सहभागिता रहने प्रतियोगिता कीर्तिपुरस्थित त्रिवि क्रिकेट मैदान चैत देखि १९ गतेसम्म सञ्चालन हुनेछ ।
सहभागी टोलीलाई पाँच समूहमा विभाजन गरेर लिग कम नकआउटका आधारमा प्रतियोगितामा सञ्चालन गरिने आयोजकले जनाएका छन् । प्रतियोगिताको विजेताले उपाधिसहित १ लाख रुपैयाँ र दोस्रो हुने टोलीले ५० हजार रुपैयाँ प्राप्त गर्नेछ । प्रतियोगिताको सर्वोत्कृष्ट खेलाडीले २० हजार तथा उत्कृष्ट ब्याट्सम्यान र बलरले समान १० हजार रुपैयाँ प्राप्त गर्नेछन् ।
