काठमाडौं, असोज १७
राष्ट्रिय क्रिकेट टोलीका कप्तान पारस खड्काले आज पत्रकार सम्मेलनमार्फत आफ्नो धारणा सार्वजनिक गर्दैछन् । नेपाल क्रिकेट संघ (क्यान) ले कप्तानबाट हटाइएको भन्ने गलत समाचारलाई लिएर उनले आफ्नो अगाडीको कदम सार्वजनिक गर्न लागेका हुन् ।
राष्ट्रिय क्रिकेट टोलीका कप्तान पारस खड्का
एक राष्ट्रिय दैनिकले शुक्रबारको अंकमा पारसलाई कप्तानबाट बर्खास्त गरेको समाचार प्रकाशित गरेको थियो । तर, शुक्रबारनै क्यानले विज्ञप्ती जारी गर्दै पारसलाई कप्तानबाट हटाउने कुनै निर्णय नभएको जनाएको थियो । शुक्रबार समाचार प्रकाशित भएपछि पारसले पहिले क्यानसँग कारवाही भएनभएको सोध्ने, समाचार गलत भए आफुले कानुनी उपचार खोज्ने बताएका थिए । पारसलाई कारवाही गरेको भन्ने विषयलाई समेत समेट्दै राष्ट्रिय खेलकुद परिषद् (राखेप) ले क्यानसँग स्पष्टिकरण समेत मागेको छ ।
