पुने (एजेन्सी) – भारतका अफ स्पिनर रविचन्द्रन अश्विनले इन्डियन प्रिमियर लिग (आइपिएल) को यो सिजन गुमाउने पक्का भएको छ । स्पोट्र्स हर्नियाका कारण ३० वर्षिय अश्विनले यो सिजन राइजिंग पुने सुपरजाइन्ट्सका लागि योगदान गर्न नपाउने भएको छन् ।
करिब ६ देखि ८ हप्तासम्म मैदान बाहिर रहने अश्विनले भारतसँगको च्याम्पियन्स ट्रफीको यात्रामा भने पुनरागमन गर्ने आशा गरिएको छ । भारत प्रतियोगिताको साविक बिजेता पनि हो ।
न्यूजिल्यान्ड, इङ्ल्यान्ड, बंगलादेश र अष्ट्रेलिया गरि १३ टेस्टमा ७३८.२ ओभर बलिङ गरेका अश्विनले ८२ विकेट लिएका छन् । भारतीय बलरले एक सिजनमा गरेको यो उच्च प्रदर्शन हो ।
