7 years ago
April 20, 2017
सुबास हुमागाईं धनगढी – धनगढि प्रिमिएर लिगको लिग चरणको सुरुवाती तिन खेलसम्म पनि राष्ट्रिय टोलीका कप्तान पारस खड्का सम्मिलित टिम चौराहा धनगढिले कुनै अंक जोड्न सकेको थिएन। लिग चरणको चौथो खेलमा चौराहाले काठमाडौं गोल्डेन्सको सामना गर्यो। जित हात पार्न सकेमा अर्को चरण पुग्ने गणितीय सम्भावना कायमै रहने हुनाले पारसको टोलीलाई ‘गर या मर’को स्थिति थियो। […]
सुबास हुमागाईं
धनगढी – धनगढि प्रिमिएर लिगको लिग चरणको सुरुवाती तिन खेलसम्म पनि राष्ट्रिय टोलीका कप्तान पारस खड्का सम्मिलित टिम चौराहा धनगढिले कुनै अंक जोड्न सकेको थिएन। लिग चरणको चौथो खेलमा चौराहाले काठमाडौं गोल्डेन्सको सामना गर्यो। जित हात पार्न सकेमा अर्को चरण पुग्ने गणितीय सम्भावना कायमै रहने हुनाले पारसको टोलीलाई ‘गर या मर’को स्थिति थियो। त्यस्तो अवस्थामा कप्तान लगायत पुरै टोलीको प्रदर्शन कमजोर रहँदा टोलीलाई कहिँबाट उत्प्रेरणा चाहिएको अवस्था थियो।
काठमाडौं गोल्डेन्सविरुद्धको खेलमा कप्तान पारस खड्का गोल्डेन डक आउट भएपछि आरीफ शेखले टोलीलाई जिततर्फ डोर्याएका थिए। आरीफले ब्याटिङतर्फ ५८ रन बनाए भने बलिङतर्फ ४-१-१७-३को प्रदर्शन गर्दै ‘म्यान अफ द म्याच’ बने। जितसंगै टोलीमा नयाँ आयाम आयो र प्रतियेगिताको अन्य नतिजाले चौराहाको प्लेअफ चरणमा पुग्ने आशामा थप मजबुत हुँदै गयो। लिग चरणको अन्तिम खेल चौराहा र प्रतियोगितामा अपराजित रहेको रुपन्देहि च्यालेन्जर्सबिच रहेको थियो।
तर चौराहालाई अर्को चरणमा पुग्न रुपन्देहीविरुद्ध जितमात्र काफि थिएन, उसको लागि अत्तरिया र कन्चनपुरको खेलमा कन्चनपुरले जित्नै पर्ने समिकरण पनि थियो। खेल कन्चनपुरले जितेसंगै रन रेटका आधारमा अत्तरिया प्रतियोगिताबाट बाहिरियो। यदि उक्त खेल अत्तरियाले जितेको भए, कन्चनपुर र चौराहा दुवै पहिलो चरणबाटै बिाहिरिन्थे।
प्लेअफमा पुग्न लिग चरणको अन्तिम खेलमा पारसको चौराहाले रुपन्देहिलाई भारी अन्तरले पराजित गरेर कन्चनपुरलाई उछिन्न पर्ने अवस्था थियो। पहिलो ब्याटिङ गरेमा १४-१५ ओभर भित्र जित र दोश्रो ब्याटिङ गरेमा ३०-३५ रनको जित चाहिने प्रारम्भिक गणना पनि थियो । उक्त खेलमा चौराहाले रुपन्देहिलाई पहिलो इनिङमा ९१ रनमा समेटेपछि १४.३ ओभरभितर लक्ष्य पछ्याउनु पर्ने समीकरण बाहिर आयो । कप्तान पारस खड्काको उत्कृष्ट पारीसंगै चौराहाले ११ ओभरमै लक्ष्य पछ्याएपछि चौराहा प्लेअफमा छनोट भएको थियो। चौराहाको लागि बलिङमा ‘म्यान अफ द म्याच’ ललित नारायण राजवंशीले ४-२-५-४को प्रदर्शन गरेका थिए भने कप्तान पारसले ४२(२१) रन बनाएका थिए। जितसंगै चौराहाले एलिमिनेटरमा आफ्नो भिडन्त काठमाडौं गोल्डेन्ससंग तय गर्यो।
लिग चरणमा पराजित गरेको गोल्डेन्सलाई चौराहाले एलिमिनेटर पनि पुन: पराजित गर्यो । निर्धारित २० ओभरमा गोल्डेन्सलाई १२३ रनमा रोकेको चौराहाले प्रतियोगिताको सर्वाधिक सफल रन पछ्याउने टोली पनि बन्यो । खेलको १० बल बाँकी रहँदा ६ विकेटको सहज जित दर्ता गरेको चौराहा जित संगै क्वालीफायरमा प्रवेश गर्यो ।
क्वालिफायरमा चौराहाको भेट पुन: रुपन्देहीसंगै भयो । लिग चरणमा आफ्नो मुख्य खेलाडीलाई विश्राम दिएको रुपन्देही बिराटनगरसंग पहिलो क्वालिफायरमा भोगेको हारलाई बिर्साउन चाहन्थ्यो । टोलीमा परिवर्तन गरेपनि रुपन्देहीको चौराहालाई रोक्ने प्रयास असफल रह्यो । पारस खड्काले प्रतियोगिताकाइ सर्वाधिक व्यक्तिगत स्कोर बनाउँदा चौराहाले १ सय ७२ रनको विशाल योगफल खडा गर्यो। रुपन्देहीका ब्याट्सम्यान चल्न नसकेपछि चौराहाले ९२ रनको विशाल अन्तरले जित हासिल गर्दै प्रतियोगिताको फाइनलमा स्थान बनायो ।
एक समय प्रतियोगिताकै सबैभन्दा कम्जोर आँकिएको टोली फाइनलसम्म आइपुग्दा बलियो रुपमा प्रस्तुत भएको छ । लिग देखि एलिमिनेटर हुँदै फाइनलसम्म आइपुग्दा चौराहाले ७ खेल खेलिसकेको छ । शनिबार हुने आठौँ खेल अन्य खेलभन्दा बढी महत्व बोकेको त हुन्छ नै, यसले चौराहाले लेख्दै आएको अविस्मरणीय यात्रामा सुनौलो अन्त्य लेख्न सक्छ कि सक्दैन, त्यो भने अवश्य रोमाञ्चक हुनेछ ।
April 24, 2024
एजेन्सी – दिल्ली क्यापिटल्सले इन्डियन प्रिमियर लिग (आइपिएल)मा बुधबार गुजरात टाइटन्समाथि ४ रनको रोमान्चक जित हासिल गरेको छ । २ सय २५ रनको लक्ष्य पछ्याएको गुजरातले साइ सुदर्शन र डेभिड मिलरको अर्धशतकको मद्दतमा ८ विकेट गुमाएर २ सय २० रन मात्र बनाउन सक्यो । साइले ३९ बलमा ७ चौका र २ चौकामा ६५ रन बनाए […]
April 24, 2024
एजेन्सी – अन्तर्राष्ट्रिय क्रिकेट परिषद (आइसीसी) ले ओलम्पिक लेजेन्ड तथा विश्व कीर्तिमानी धावक उसेन बोल्टलाई आउँदो आइसीसी मेन्स टि२० विश्वकपको दूतमा नियुक्त गरेको छ । आइसीसीले बुधबार एक विज्ञप्ति जारी गर्दै विश्वव्यापी चर्चा र विश्व कीर्तिमानका कारण बोल्टलाई हालसम्मकै सबैभन्दा ठूलो विश्वकपको दूत बनाइएको जानकारी दिएको छ । बोल्टले विश्वकपको प्रचार गर्न महत्त्वपूर्ण भूमिका खेल्ने […]
April 24, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बुधबार लुम्बिनी प्रदेशले सुदूरपश्चिम प्रदेशलाई २३ रनले हराउँदै फाइनलमा पुग्ने संभावना कायमै राखेको छ। लुम्बिनीको जितमा आकाश त्रिपाठीले ६७ रनको पारी खेले। १ सय ३८ रनको विजय लक्ष्य पछाएको सुदूरपश्चिम १८.३ ओभरमा मात्र १ सय १८ रनमा अल आउट भयो। सुदूरपश्चिमले कुनैपनि समयमा ठूलो साझेदारी […]