भारत (एजेन्सी)- आज भएको इन्डियन प्रिमियर लिग अन्तर्गतको पहिलो खेलमा मुम्बई इन्डियन्सले रोयल च्यालेंजर्स बैंगलोरलाई ५ विकेटले पराजित गर्दै जारी सिजनमा प्ले अफमा स्थान पक्का गर्ने पहिलो टोली भएको छ।
खेलमा पहिले ब्याटिंग गरेको खराब फर्ममा रहेको टोलि रोयल च्यालेंजर्स बैंगलोरले निर्धारित २० ओभर खेल्दै ८ विकेट गुमाएर १ सय ६२ रन बनाएको थियो। बैंगलोरका लागि ए बि डीभिलियर्सले सर्वाधिक ४३ रन प्रहार गरेका थिए । पवन नेगीले ३५, केदार जादवले २८, मन्दिप शिंहले १७, कोहलीले २० तथा हेडले १२ रनको योगदान दिएका थिए।
मुम्बईका लागि मिचेलले ३, कुर्नाल पाण्डेले २ तथा बुम्राह र कर्नले १-१ विकेट लिएका थिए। १ सय ६३ रनको लक्ष्य लिएर ब्याटिंग गर्न उत्रेको मुम्बईले १९.५ ओभरमा ५ विकेट गुमाउदै लक्ष्य पुरा गरेको थियो।
मुम्बईका लागि कप्तान रोहित शर्माले सर्बाधिक ५६ रन प्रहार गरेका थिए भने बटलरले ३३, नितिश रानाले २७, पोल्लार्डले १७ तथा हार्दिक पान्डयले १४ रन प्रहार गरेका थिए। रोयल च्यालेंजर्स बैंगलोरका लागि पवन नेगीले २ तथा अनिकेत चौधरी, चाहाल र वाटसनले १-१ विकेट लिएका थिए। खेलको म्यान अफ द म्यात्च रोहित शर्मा घोषित भए।
