पोखरा(हाम्रो खेलकुद) –बेलायत स्थित ग्लोसेष्टर क्रिकेट क्लवले कास्की जिल्ला क्रिकेट संघलाई सहयोग प्रदान गरेकोे छ । यस क्षेत्रको क्रिकेट विकासका लागि भन्दै उक्त क्लबले कास्की जिल्ला क्रिकेट संघलाई जर्सी प्रदान गरेको छ ।
क्लबले कास्की जिल्ला क्रिकेट संघलाई रोटरी क्लव अफ व्रिस्टोल युकेका पूर्व अध्यक्ष डा. टिम मिचेल मार्फत रोटरी क्लब अफ पोखरा फिस्टेलका पूर्व अध्यक्ष तेज गुरुङलाई सहयोग गर्न जर्सी पठाएको थियो । कास्की जिल्ला क्रिकेट संघका अध्यक्ष देवेनशन प्रजु, उपाध्यक्ष देवी प्रसाद गुरुङ क्रिकेटका प्रशिक्षक, खेलाडीलाई संयुक्त रुपमा गुरुङले जर्सी प्रदान गरेका थिए ।
सो अवसरमा संघका अध्यक्ष प्रजुले यस प्रकारको सहयोग क्रिकेट विकासका लागि महत्वपुर्ण रहने बताए । भुतपूर्व खेलाडी मंचका अध्यक्ष समेत रहेका तेज गुरुङले दुवै देशबीचको सदियौं देखि स्थापित सम्बन्ध विकासका लागि यस क्षेत्रको क्रिकेटलाई बेलायत जस्तो क्रिकेटको मातृभुमी संग जोडन सहयोग पुग्ने वताए ।
उनले आगामी दिनमा समेत ग्लोशेष्टर क्लबले सहयोग गर्न सक्ने वताए । विगतमा क्लबले संघलाई खेलकुद सामाग्री सहयोग गरेको थियो ।
