7 years ago
May 22, 2017
हैदराबाद (एजेन्सी) – इन्डियन प्रिमियर लिग अन्तर्गत आइतबार भएको फाइनल खेलमा मुम्बई इन्डियन्सले राइजिङ पुने सुपरजाएन्ट्सलाई १ रनले पराजित गर्दै तेश्रो पटक आइपिएल उपाधि जितेको छ। टस जितेर पहिलो ब्याटिङ रोजेको मुम्बईले आइपिएल फाइनलको इतिहासकै सर्वाधिक कम पहिलो इनिङसको स्कोर बनाएको थियो। निर्धारित २० ओभरमा मुम्बईले ८ विकेटको नोक्सानीमा १ सय २९ रन जोडेको थियो। […]
हैदराबाद (एजेन्सी) – इन्डियन प्रिमियर लिग अन्तर्गत आइतबार भएको फाइनल खेलमा मुम्बई इन्डियन्सले राइजिङ पुने सुपरजाएन्ट्सलाई १ रनले पराजित गर्दै तेश्रो पटक आइपिएल उपाधि जितेको छ।
टस जितेर पहिलो ब्याटिङ रोजेको मुम्बईले आइपिएल फाइनलको इतिहासकै सर्वाधिक कम पहिलो इनिङसको स्कोर बनाएको थियो। निर्धारित २० ओभरमा मुम्बईले ८ विकेटको नोक्सानीमा १ सय २९ रन जोडेको थियो। माथिल्लो क्रमका ब्याट्सम्यानहरु चल्न नसकेपछि मध्यक्रममा क्रुनाल पाण्ड्याले ४७ रनको महत्वपूर्ण पारी खेल्दै टोलीलाई सम्मानजनक स्कोरसम्म पुर्याएका थिए। एक समय ७९ रनको स्थितिमा ७ विकेट गुमाएको मुम्बईको लागि पाण्ड्याले ३८ बलको सामना गर्दै ३ चौका र २ छक्का प्रहार गरेका थिए।
मुम्बईका ओपनरद्वय लेन्डल सिमन्स ३ रन र पार्थिव पटेल ४ रनमा पेभेलियन फर्किंदा अम्बाटि रायुडूले १२ रनमात्र जोड्न सके। कप्तान रोहित शर्माले २४ रन बनाएका थिए। पुनका लागि वासिङटन सुन्दरले कसिलो बलिङ गर्दै २ ओभरमा १३ रनमात्र खर्चे भने जयदेव उनदकट, एडम ज्याम्पा र ड्यान क्रिस्टियनले २/२ विकेट लिए।
जवाफी ब्याटिङमा उत्रिएको पुनेले ओपनर राहुल त्रिपाठीलाई ३ रनमा गुमाएपनि कप्तान स्टिभ स्मिथ र अजिंक्या रहानेले पारीलाई सम्हालेका थिए। रहने ३८ बलमा ४४ रन जोड्दै आउट भए भने स्मिथले अर्धशतक बनाएका थिए। पारीको अन्तिम ओभरमा जितका लागि ११ रन चाहिएको स्थितिमा मनोज तिवारीले पहिलो बलमा चौका प्रहार गरेपनि त्यसपछिको बलमा मिचेल जोन्सनले लगातार २ विकेट लिएपछि मुम्बई खेलमा फर्किएको थियो। स्मिथ लामो सट प्रहार गर्ने धुनमा ५१ रन बनाउँदै क्याच आउट हुन पुगे।
अन्तिम बलमा जितका लागि ४ रन चाहिएको स्थितिमा क्रिस्टियनले २ रनमात्र जोड्न सकेपछि पुने निर्धारित २० ओभरमा ६ विकेट गुमाउँदै १ सय २८ रनमा समेटियो। मुम्बईको लागि मिचेल जोन्सनले ३ तथा जस्प्रित बुमराहले २ विकेट लिएका थिए। उत्कृष्ट ब्याटिङ प्रदर्शन गरेका क्रुनालले म्यान अफ द म्याचको उपाधि हात पारे।
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]
April 25, 2024
काठमाडौं (हाम्रो खेलकुद) – आइसीसी टि२० विश्वकपको तयारीका लागि वेस्ट इन्डिज ए विरुद्ध खेल्ने सिरिजका लागि नेपालले १६ सदस्यीय टोली घोषणा गरेको छ । एसीसी प्रिमियर कपका लागि ओमान पुगेको टोलीमा ब्याटर आरिफ शेखलाई समेट्दै १६ सदस्यीय टोली घोषणा गरिएको हो । युवा बलर आकाश चन्द पनि वेस्ट इन्डिज ए सिरिजमा छन् । उनी ओमानमा […]