7 years ago
June 4, 2017
एजेन्सी – ब्याटिङमा ओपनर हसिम अमला र बलिङमा स्पिनर इमरान ताहिर चम्किएसँगै दक्षिण अफ्रीकाले इङ्ल्याण्डमा जारी आइसीसी च्याम्पियन्स ट्रफी २०१७मा श्रीलंकालाई ९६ रनले पराजित गर्दै विजयी सुरुवात गरेको छ। टस हारेर ब्याटिङको निम्तो पाएको दक्षिण अफ्रीकाले निर्धारित ५० ओभरमा ६ विकेट गुमाउँदै २ सय ९९ रनको योगफल खडा गर्यो। ओपनर क्विन्टन डे कक् २३ रन बनाउँदै […]
एजेन्सी – ब्याटिङमा ओपनर हसिम अमला र बलिङमा स्पिनर इमरान ताहिर चम्किएसँगै दक्षिण अफ्रीकाले इङ्ल्याण्डमा जारी आइसीसी च्याम्पियन्स ट्रफी २०१७मा श्रीलंकालाई ९६ रनले पराजित गर्दै विजयी सुरुवात गरेको छ।
टस हारेर ब्याटिङको निम्तो पाएको दक्षिण अफ्रीकाले निर्धारित ५० ओभरमा ६ विकेट गुमाउँदै २ सय ९९ रनको योगफल खडा गर्यो। ओपनर क्विन्टन डे कक् २३ रन बनाउँदै पेभेलियन फर्किएपछि ओपनर हसिम अमला र फाफ डु प्लेसिसले दोश्रो विकेटका लागि १ सय ४५ रनको साझेदारी गरेर टोलीलाई सुदृढ सुरुवात दिलाएका थिए। अमलाले १ सय १५ बल खेल्दै ५ चौका र २ छक्काको मद्दतले १ सय ३ रन जोडे। उनलाई साथ् दिएका डु प्लेसिसले ७० बलमा ६ चौका प्रहार गर्दै ७५ रन बनाए।
तल्लोक्रममा ब्याटिङ गर्न आएका जेपी ड्युमिनीले २० बलमा ३८ रन जोडेर टोलीलाई राम्रो अन्त्य दिएका थिए। श्रीलंकाका लागि नुवान प्रदिपले २ तथा सुरङ्गा लकमल र सेकुगे प्रसन्नले समान १/१ विकेट लिए।
जवाफी ब्याटिङमा उत्रिएको श्रीलंकाले राम्रो सुरुवात पाएपनि त्यसलाई निरन्तरता दिन नसक्दा हार व्येहोर्नुपर्यो। एक समय ११६/२को स्थितिमा रहेको श्रीलंका ४२औं ओभरमा मात्र २ सय ३ रन बनाएर अलआउट भएको थियो। उसका लागि ओपनर उपल थरंगाले ५७ रन बनाए भने अर्का ओपनर डिकवेलाले ४१ रनको योगदान दिए। मध्यक्रममा कुसल परेराले अविजित ४४ रन जोडेर पारीलाइ सम्हाल्ने प्रयास गरेपनि राम्रो साथ नपाउँदा श्रीलंका अलआउट हुन पुगेको थियो।
दक्षिण अफ्रीकाका लागि स्पिनर इमरान ताहिरले २७ रन खर्चेर ४ विकेट लिएका थिए। उनि खेलको ‘म्यान अफ द म्याच’ घोषित भए। क्रिस मोरिसले २ विकेट लिंदा मोर्ने मोर्केल र कागीसो रबाडाको नाममा १/१ विकेट रह्यो।
April 23, 2024
एजेन्सी – मार्कुस स्टोइन्सको सानदार शतकसहित लखनउ सुपर जाइन्ट्ले इन्डियन प्रिमियर लिग (आइपिएल) मा मंगलबार चेन्नई सुपर किंग्सलाई ६ विकेटले हराएको छ । २ सय ११ रनको लक्ष्य पछ्याएको लखनउले ३ बल बाँकी रहँदै २ सय १३ जोडेर जित निकालेको हो । स्टोइन्सले ६३ बल खेल्दै १३ चौका र ६ छक्काको मद्दतमा नटआउट १ सय […]
April 23, 2024
काठमाडौं (हाम्रो खेलकुद) – कम योगफलको खेलमा मधेश प्रदेशले कोशी प्रदेशलाई २ विकेटले हराउँदै वीर गणेशमान सिंह राष्ट्रिय टी-ट्वान्टी च्याम्पिनसीपमा तेस्रो जित हासिल गरेको छ। ९१ रनको सहज लक्ष्य मधेशले १७ .१ ओभरमा ८ विकेटको नोक्सानीमा पूरा गर्यो। लक्ष्य सहज थियो। तर मधेशले यो सामान्य लक्ष्य पुरा गर्न ८ विकेट गुमायो। ओपनर साहिल पटेल ११ […]
April 23, 2024
काठमाडौं (हाम्रो खेलकुद) – गौतम केसीले सानदार बलिङ गर्दै ५ विकेट लिंदा बागमती प्रदेशले कर्णाली प्रदेशमाथि वीर गणेशमान सिंह राष्ट्रिय टी-ट्वान्टी च्याम्पिनसिपमा ७ विकेटको सहज जित निकालेको छ। बागमतीको जितमा गौतमको बलिङ नै प्रमुख बन्यो। बागमतीको यो लगातार चौथो जित हो र ८ अंक सहित शीषस्थानमा उक्लिएको छ। जितको लागि १ सय २१ रनको सहज […]