एजेन्सी – बेन स्टोक्स र कप्तान ओइन मोर्गनको उत्कृष्ट साझेदारीको मद्दतले च्याम्पियन्स ट्रफी अन्तर्गत  समूह’ए’को अन्तिम खेलमा इङल्याण्डले अष्ट्रेलियालाई ४० रनले पराजित गरेको छ। यस हारसँगै अष्ट्रेलिया प्रतियोगिताबाट बाहिरिएको छ भने इङल्याण्ड शत प्रतिशत जित दर्ता गर्दै सेमिफाइनलमा पुगेको छ।

शीर्ष ३ ब्याट्सम्यान चल्न नसकेको घरेलु टोलीका लागि कप्तान मोर्गन र स्टोक्सले चौथो विकेटका लागि १ सय ५९ रनको साझेदारी गरेका थिए। मोर्गनले ८१ बलमा ८७ रन बनाए भने स्टोक्स १ सय ९ बलमा १ सय २ रङ बनाउँदै अविजित रहे। जोस बटलरले अविजित २९ रङ बनाउँदा शशीर्ष क्रमका रोय (४), हेल्स (०) र रुट (१५)ले निराश पारे।

इङल्याण्डले ४०.२ ओभरमा  २ सय ४० रनको अवस्थामा ब्याटिङ गर्दा पानी परेपछि खेल रोकिएको थियो। थप खेल सम्भव नभएपछी दक्वर्थ लेविस पद्दतिका अनुसार इङल्याण्ड ४० रनले विजयी भएको हो। अष्ट्रेलियाका लागि हेजलवुडले २ विकेट र स्टार्कले १ विकेट लिएका थिए।

यसअघि अष्ट्रेलियाले ५० ओभरमा ९ विकेट गुमाउँदै २ सय ७७ रनको योगफल खडा गरेको थियो। ट्राभिस हेडले अविजित ७१ रन जोडेपछि अष्ट्रेलियाले राम्रो स्कोर तयार पारेको थियो। त्यसअघि स्टिभ स्मिथ र आरोन फिंचले दोश्रो विकेटका लागि ९६ रनको साझेदारी गरेका थिए। फिंचले बलमा ६८ रन बनाउँदा स्मिथले रन जोडे। ओपनर वार्नर (२१), हेनरिकेस (१७) र म्याक्सवेल (२०)ले ठुलो स्कोर बनाउन सकेनन।

इङल्याण्डका लागि मार्क वुड र आदील रशिदले ४/४ विकेट लिए भने बेन स्टोक्सले फिंचको विकेट लिएका थिए।