काठमाडौँ (हाम्रो खेलकुद) – आरिगातो एजुकेसनल कन्सल्टेन्सी तथा पाण्डा इभेन्टसको संयुक्तआयोजनामा यहि असार ६ गतेदेखि एइसी कप २०१७ हुने भएको छ। कोटेश्वरस्थित अल्टिमेट इन्डोर क्रिकेटमा हुने प्रतियोगिताको फाइनल खेल असर ९ गते हुनेछ।
१८ टोलीको सहभागिता रहने प्रतियोगिताका खेलहरु नकआउट पद्दतिमा खेलाइनेछ। १८ ओभर प्रति इनिङ्स हुने खेलमा इन्डोर क्रिकेटको नियम लागु हुनेछ। प्रत्यक टोलीमा कुल ८ खेलाडी रहनेछन् भने ६ खेलाडीले खेल्नेछन्।
आरिगातो एजुकेसनल कन्सल्टेन्सीका प्रबन्ध निर्देशक रमण शुक्लाले समग्र क्रिकेट विकासमा इन्डोर क्रिकेटले राम्रो प्रभाव पार्न सक्ने बताए। ” हामीले आफ्नो व्यवसायसँगै समाजमा पनि केहि गरौँ भनेर यो प्रतियोगिता आयोजना गरेका हौँ। इन्डोर क्रिकेट छोटो संरचनाको क्रिकेट भएकाले यसले छोटो समयमै राम्रो स्थान लिएको छ। युवाहरुलाई एकतृत पारेर खेलभावना विकास गर्न पनि यसले सहयोग पुर्याएको छ।”
पाण्डा इभेन्ट्सका निर्देशक अर्जुन पाण्डेले प्रतियोगिता आयोजनाले क्रिकेट विकासमा टेवा पुग्ने जानकारी दिए। उनले एइसीलाई यस प्रतियोगिता गर्न सहयोग गरेकोमा धन्यवाद ज्ञापन गरे।
प्रतियोगिताको विजेताले उपाधिसँगै नगद रु ५० हजारका प्राप्त गर्नेछन्। म्यान अफ द सिरिजलाई नगद रु ५ हजार प्रदान गरिनेछ।
