एजेन्सी – इङ्गल्याण्ड र दक्षिण अफ्रीकाबीच जारि टि२० शृंखलाको दोश्रो खेलमा पाहुना टोली दक्षिण अफ्रीकाले ३ रनको जित हासिल गरेको छ। जितसँगै ३ खेलको शृंखला १-१को बराबरी भएको छ।
पहिलो ब्याटिङ गरेको दक्षिण अफ्रीकाले निर्धारित २० ओभरमा ८ विकेट गुमाउँदै १ सय ७४ रन जोडेको थियो। कप्तान एबी डे भिलियर्सले २० बलमा ४ चौका र ३ छक्काको मद्दतले सर्वाधिक ४६ रन जोडेका थिए। ओपनर स्मट्सले ४५ र बहारडीनले ३२ रनको योगदान दिएका थिए। इङ्गल्याण्डका लागि टम करानले ३ विकेट लिएका थिए।
जवाफी ब्याटिङमा उत्रिएको इङ्गल्याण्डले २० ओभर खेल्दै ६ विकेटको नोक्सानीमा १ सय ७१ रनमात्र जोड्न सक्यो। ओपनर जेसन रोय ६७ रन जोड्दै अब्सट्रक्टिङ द फिल्ड आउट भएका थिए। जेमी बेर्स्टोले ४७ रनको योगदान दिएका थिए। दक्षिण अफ्रीकाका लागि क्रिस मोरिसले २ विकेट लिए। म्यान अफ द म्याच बनेका मोरिसले ४ ओभरमा १८ रनमात्र खर्चेका थिए।
