भारत र वेस्ट इन्डिजबीचको पहिलो खेल अनिर्णित

पोर्ट अफ स्पेन (एजेन्सी)– बर्षाका कारण भारत र वेस्ट इन्डिजबीचको पहिलो एक दिवसिय अन्तर्राष्ट्रिय क्रिकेट शुक्रबार अनिर्णित भएको छ । खेलमा टस जितेर वेस्ट इन्डिजले फिल्डिङ रोजेको थियो । पहिले ब्याटिङ गरेको भारतले ३ विकेटको क्षतिमा ३९.३ ओभरमा १ सय ९९ रन जोड्दा बर्षाका कारण खेल रोकिएको थियो । बर्षाको कारण दुई पटक सम्म रोकिएको खेल ३९.३ ओभरपछि भने हुन सकेन ।

खेलअघि भारतीय क्रिकेट टोलीका कप्तान विराट कोहली र पूर्व कप्तान महेन्द्रसिंह धोनी (बायाँ)।

इङ्ल्यान्डमा सम्पन्न च्याम्पियन्स ट्रफीको फाइनलमा पाकिस्तानसँग पराजित भएको भारत त्यसपछि वेस्ट इन्डिज यात्रामा निस्केको थियो । अनिर्णित खेलमा ओपनरद्वय अजिन्के रहाने र शिखर धवनले अर्धशतक पुरा गरेका थिए । देवेन्द्र विश्वको बलमा एलबिडब्लू आउट हुनु अघि धवनले ८७ रन जोेडेका थिए । उनले ९२ बलमा ८ चौकार २ छक्का प्रहार गरेका थिए ।

७८ बलमा ८ चौका साथ रहानेले ६२ रन बनाए । कप्तान विराट कोहली ३२ र पूर्व कप्तान महेन्द्र सिंह धोनी ४ रनमा अविजित रहँदा खेल रोकिएको थियो । युवराज सिंहले ४ रन मात्र बनाए । घरेलु टोलीका लागि देवेन्द्र,जासन होल्डर र अल्जारी जोसेपले समान १ विकेट लिए । पाँच एक दिवसिय क्रिकेट श्रृखंलाको दोस्रो खेल आइतबार हुनेछ ।