कोलोम्बो (एजेन्सी) – श्रीलंका क्रिकेट बोर्डसँगको सम्झौताको सर्तहरू उल्लंघन गरेको स्वीकारेपछि फास्ट बलर लासिथ मालिंगालाई बोर्डले ६ महिना निलम्बन गर्नुका साथै उनको आउदो खेलको खेल शुल्कको ५० प्रतिशत जरिवाना तोकेको छ ।
जिम्बाब्वेसँगको खेलका लागि १३ सदस्यको टोलीमा परेका मालिंगालाई श्रीलंका क्रिकेट बोर्डले जिम्बाब्वेसँगको खेलमा भने खेल्न दिने भएको छ । जिम्बाब्वेसँगको सिरिज पछि मात्र उनिमाथिको निलम्बन लागु हुनेछ।
उनिमाथि १ बर्षको प्रतिबन्ध लगाईएपनि ६ महिनाको अवधिमा फेरी गल्ति दोहोर्याएको खण्डमा मात्र अर्को ६ महिना उनले प्रतिबन्धमा बिताउनु पर्नेछ । श्रीलंकाका खेलकुद मन्त्रिको विरुद्ध मिडियामा आफ्नो धारणा राखेपछि उनिमाथी सम्झौताको सर्तहरू उल्लंघन गरेको आरोप लगाइएको थियो । श्रीलंका क्रिकेट बोर्डसँगको सम्झौता अनुरुप कुनै खेलाडीले बोर्डसँग सहमति बिना विवादास्पद मुद्धाबारे मिडियामा आफ्नो धारणा प्रस्तुत गर्न पाइने छैन।
श्रीलंकाका खेलकुद मन्त्रि दयासिरी जयसकराले खेलाडीहरुको खराब फिटनेसनै श्रीलंकाको खराब फिल्डिङको कारण रहेको बताएका थिए । मलिंगाले एक अन्तर्वार्तामा कुनै उच्च स्तरको क्रिकेट नखेलेका मन्त्रिको आलोचनालाई गम्भीर रुपमा नलिनुपर्ने बताएपछि उनीमाथि कारबाही अघि बढाइएको थियो। मालिंगाले गल्ति स्वीकार्दै औपचारिक विज्ञप्तिमार्फत माफी पनि मागेका छन् ।
