काठमाडौँ (हाम्रो खेलकुद) – लिडिङ फ्रम द फ्रन्टलाई फेरी एकपटक प्रमाणित गर्ने क्रममा सिंगापुरमा जारी आइसीसी यू १९ विश्वकपको छनोटमा नेपाली टोलीका कप्तान सन्दिप लामिछाने चम्केका छन् । नेपालले सोमबार मलेसियालाई ५ विकेट हराउँदा सन्दिपको भूमिका सबैभन्दा महत्वपूर्ण थियो ।
तस्बिर : रमन सिवाकोटी
उनी खेलको म्यान अफ दी म्याच बनेका थिए । जारी प्रतियोगितामा सन्दिप तेस्रो पटक म्यान अफ दी म्याच बनेका छन् । पहिले ब्याटिङ गरेको मलेसियालाई ८९ रनमा अलआउट बनाउँदा सन्दिपले ७ विकेट लिएका थिए । ९.१ ओभर बलिङ गरेका सन्दिपले १ मेडनसहित १३ रनमात्र खर्चेका थिए ।
५ खेलमा सन्दिपले २१ विकेट लिइसकेका छन् । अघिल्लो खेलमा सिंगापुरसँग २२ रनको जितमा भने अर्धशत बनाएका दिपेन्द्र सिंह एरी म्यान अफ द म्याच घोषित भएका थिए । भएका थिए । उनले ५४ रन प्रहार गर्दै १ विकेट लिएका थिए ।
