काठमाडौं (हाम्रो खेलकुद)– नेपाल र हङकङबीच विश्व क्रिकेट लिग च्याम्पियनसिपको खेल प्रभावित भएको छ । हङकङमा टाइफोन ८ (समुन्द्री हावा) आउने सम्भावना रहेकोले आजका लागि तय भएको नेपाल र घरेलु टोलीबीचको खेल सोमबारका लागि सारिएको हङकङ क्रिकेटको फेसबुक पेजमा उल्लेख गरिएको छ ।
हङकङसँगको पहिलो खेल ८३ रनले गुमाएको नेपालको विश्व कप छनोटको यात्रा कठिन बनेको छ। विश्व कप छनोट पुग्ने गणीतिय सम्भावना बाँकी रहेपनि विश्व क्रिकेट लिग च्याम्पियनसिपक बाँकी ३ खेल जितेर मात्र पुग्ने छैन, अन्य खेलमा पनि आफु अनुकुलको नजिता आउनुपर्नेछ ।
