काठमाडौं (हाम्रो खेलकुद)– नेपालले आइसीसी महिला टि ट्वान्टी विश्व कप क्रिकेट एसिया छनोटको तेस्रो स्थानको प्ले अफमा हङकङलाई ९५ रनको लक्ष्य दिएको छ ।

फाइल तस्बिर

थाइल्यान्डमा जारी प्रतियोगितामा राउन्ड रोविन लिगमा छनोटबाट बाहिरिएका तेस्रो स्थानमा रहेको नेपाल र चौथो स्थानको हङकङबीच प्ले अफमा भइरहेको छ । उपाधिका लागि भने शीर्षस्थान रहँदै ग्लोबल छनोटमा पुगेका आयोजक थाइल्यान्ड र संयुक्त अरब इमिरेट्सबीच प्रतिस्पर्धा हुनेछ ।
पहिलो ब्याटिङ गरेको नेपालले ५ विकेटको क्षतिमा ९४ रन बनाएको हो । आज पनि नेपालको सुरुआत खराब रह्यो । ओपन ज्योति पाण्डे र सिता राना मगर सस्तैमा पेभेलियन फर्किए भने त्यसपछि काजोल श्रेष्ठ र नेरी थापाले इनिङ सम्हालेका थिए ।

नेरीले टोलीका लागि सर्वाधिक ३८ रन जोडिन् । नेरीले काजोलसँग तेस्रो विकेटका लागि ३० रनको साझेदारी गरेकी थिइन् । नेरीले ३४ बलमा ५ चौका प्रहार गरिन् । काजोलले १२ रन बनाइन् । त्यस्तै कप्तान रुविना क्षेत्री र करुना भण्डारीले छैटौं विकेटका लागि २२ रनको साझेदारी गरे । रुविना १५ र करुणा १४ रनमा अविजित रहिन् ।

रुविनाले १० बलमा २ चौका प्रहार गरेकी थिइन् । थाइल्यान्डका लागि एम हिम र एमबिए लाम्पलोङले समान २ र चान साउ हारले १ विकेट लिइन् । यो समाचार तयार पार्दा सम्म हङकङले ६.२ ओभरमा २ विकेटको क्षतिमा १५ रन जोडेको छ ।