काठमाडौं (हाम्रो खेलकुद)– नेपालले तेस्रो स्थानमा रहँदै आइसीसी महिला विश्व टि ट्वान्टी क्रिकेट एसिया छनोटको यात्राको अन्त्य गरेको छ । थाइल्यान्डमा भइरहेको छनोटको प्ले अफमा आज हङकङलाई ३६ रनले हराउँदै नेपाल तेस्रो भएको हो । राउन्ड रोविन लिगमा तेस्रो स्थानमा रहेको नेपाल र चौथो स्थानको हङकङबीच प्ले अफ भएको थियो ।

 ९५ रनको लक्ष्य पछ्याएको हङकङ एक बल बाँकी रहँदचा ५८ रन जोड्दै अलआउट भएको थियो । हङकङलाई लक्ष्यमा पुग्न नदिन नेपाली बलरले उच्च प्रदर्शन गरे । करुण भण्डारीले ४ ओभरमा १० रन दिएर ३ विकेट लिइन् । त्यस्तै सबनम राई, सरिता मगर, नेरी थापा र रितु कनौजियाले समान १ विकेट लिए । हङकङका लागि दुई खेलाडीले मात्र दोहोरो अंकमा रन बनाउन सके । केवाइ चानले ११ र चान साउ हारले १३ रन बनाइन् ।

त्यसअघि पहिलो ब्याटिङ गरेको नेपालले ५ विकेटको क्षतिमा ९४ रन बनाएको हो । आज पनि नेपालको सुरुआत खराब रह्यो । ओपन ज्योति पाण्डे र सिता राना मगर सस्तैमा पेभेलियन फर्किए भने त्यसपछि काजल श्रेष्ठ र नेरी थापाले इनिङ सम्हालेका थिए । नेरीले टोलीका लागि सर्वाधिक ३८ रन जोडिन् । नेरीले काजोलसँग तेस्रो विकेटका लागि ३० रनको साझेदारी गरेकी थिइन् । नेरीले ३४ बलमा ५ चौका प्रहार गरिन् । काजलले १२ रन बनाइन् ।

त्यस्तै कप्तान रुविना क्षेत्री र करुना भण्डारीले छैटौं विकेटका लागि २२ रनको साझेदारी गरे । रुविना १५ र करुणा १४ रनमा अविजित रहिन् । रुविनाले १० बलमा २ चौका प्रहार गरेकी थिइन् । थाइल्यान्डका लागि एम हिम र एमबिए लाम्पलोङले समान २ र चान साउ हारले १ विकेट लिइन् । यो समाचार तयार पार्दा सम्म हङकङले ६.२ ओभरमा २ विकेटको क्षतिमा १५ रन जोडेको छ । नेपालका लागि करुणा र सबिना राईले समान १ विकेट लिएका छन् ।

नेपालले आफ्ना ६ खेलमा एउटा मात्र खेल युएइसँग गुमाएको थियो । लिगका दुई खेल वर्षाका कारण रद्द हुँदा अंक बाडेको नेपालले अन्तिम दुई खेलमा मलेसिया र चीनलाई हराएको थियो । तर, नेपाल महिला विश्व टि ट्वान्टी ग्लोबल छनोटमा भने पुग्न सकेन । छनोटको शीर्ष दुईमा रहेका थाइल्यान्ड र युएई ग्लोबल छनोटमा पुग्न सफल भए ।