काठमाडौं (हाम्रो खेलकुद) – राजधानीमा जारी टीभिएस एभरेष्ट प्रिमियर लिग (इपिएल) टी–ट्वान्टी क्रिकेट प्रतियोगितामा ललितपुर प्याट्रियट्सले भैरहवा ग्ल्याडिएटर्सलाई जितका लागि १ सय ४२ रनको लक्ष्य दिएको छ ।

कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको ललितपुरले निर्धारित २० ओभरमा ९ विकेट गुमाएर १ सय ४१ रनको योगफल तयार पार्यो । ललितपुरका लागि योगेश नागरले ५४ रनको अर्धशतकीय इनिङ्स खेले । ३३ बल खेलेका नागरले ७ चौकार १ छक्का प्रहार गरेका थिए । कप्तान ज्ञानेन्द्र मल्ल ४२ रनमा आउट भए । मल्लले २९ बलमा २ चौका र ३ छक्का प्रहार गरे । जयकिसन कोल्सावाला १४ रनमा दिपेश श्रेष्ठको बलमा बोल्ड भए । सोनु तामाङ ५ रनमा नटआउट रहे । ओपनर पवन सर्राफ १ रनमा दिपेशकै बलमा शरद भेषवाकरबाट क्याच आउट भए । राजवीर सिंह ८ रनमा आउट भए भने कुशल भुर्तेल ४ तथा मेहबुब आलमा २ रनमा आउट भए ।

ललितपुरले आफ्नो पहिलो खेलमा काठमाडौं किङ्स इलाभेनलाई ७ विकेटले पराजित गरेको थियो भने दोस्रो खेलमा विराटनगर वारियर्ससँग ६ रनले पराजित भएको थियो । यता भैरहवाले पहिलो खेलमा काठमाडौं किङ्स इलाभेनलाई नै ७ विकेटले पराजित गरेको थियो ।

भैरहवाका दिपेश श्रेष्ठ र आरिफ शेखले समान ३ विकेट लिए । पुनित मेहराले २ तथा कप्तान शरद भेषवाकारले १ विकेट लिए । भैरहवाले केहीबेरमा ब्याटिङ गर्नेछ ।