काठमाडौं (हाम्रो खेलकुद) – नेपालका लेग स्पिनर सन्दिप लामिछाने भारतीय क्रिकेट लिग इन्डियन प्रिमियर लिग(आइपिएल) को अक्सनमा परेका छन् । आइपिएलले सार्वजनिक गरेको ५ सय ७८ खेलाडीको सूचीमा सन्दीप पनि परेका हुन् ।
जनवरी २७ र २८ मा हुने आईपिएल अक्सनमा ३ सय ६० भारतिय खेलाडी समावेश छन् । प्रारम्भिक १ हजार १ सय २२ खेलाडीको सूचीलाई घटाएर आइपिएलले तयार पारेको ४ सय ७८ खेलाडीमा सन्दिप पनि परेका हुन् ।
क्रिकइन्फोले जनाए अनुसार सन्दिप १ हजार १ सय २२ सूचीबाट फ्रेनचाइजले सिफारिस गरेको ९ खेलाडी मध्ये एक खेलाडी हुन् । यो आइपिएलको ११ औं सिजन हो जसमा ८ टोलीले प्रतिस्पर्धा गर्नेछन् । सन्दिपलाई ८ मध्ये कुनै पनि टोलीले खरिद गरेमा उनले आइपिएल खेल्ने पहिलो नेपाली खेलाडी हुने छन् । । उनको बेस प्राइस २० लाख भारतीय रुपैंया रहनेछ ।
