default_image

6 years ago

June 8, 2018

आर्मी प्रधानमन्त्री कपको फाइनलमा, सागर पुनको शतक

काठमाडौं (हाम्रो खेलकुद) – सागर पुनको शतक इनिङ्ससँगै विभागीय त्रिभुवन आर्मी क्लब राजधानीमा जारी एक्सेल्सिया कलेज प्रधानमन्त्री कप एकदिवसीय राष्ट्रिय क्रिकेट प्रतियोगिताको फाइनलमा प्रवेश गरेको छ । शुक्रबार भएको सेमिफाइनलमा ओपनर सागरले शतकीय योगदानको मद्दतमा आर्मीले प्रदेश नम्बर ५ लाई १ सय ५४ रनको फराकिलो अन्तरले पराजित गर्दै फाइनलमा स्थान बनाएको हो । कीर्तिपुरस्थित त्रिवि […]

21 views

0 Bookmark

काठमाडौं (हाम्रो खेलकुद) – सागर पुनको शतक इनिङ्ससँगै विभागीय त्रिभुवन आर्मी क्लब राजधानीमा जारी एक्सेल्सिया कलेज प्रधानमन्त्री कप एकदिवसीय राष्ट्रिय क्रिकेट प्रतियोगिताको फाइनलमा प्रवेश गरेको छ ।

Sagar Pun

सागर पुन । फाइल तस्बिर

शुक्रबार भएको सेमिफाइनलमा ओपनर सागरले शतकीय योगदानको मद्दतमा आर्मीले प्रदेश नम्बर ५ लाई १ सय ५४ रनको फराकिलो अन्तरले पराजित गर्दै फाइनलमा स्थान बनाएको हो ।

कीर्तिपुरस्थित त्रिवि क्रिकेट मैदानमा आर्मीले दिएको २ सय ९० रनको लक्ष्य पछ्याएको प्रदेश नं ५ ले ३५.५ ओभरमा १ सय ३५ रनमात्र बनाउन सक्यो । आर्मीको कसिलो बलिङसामू प्रदेश ५ का कुनै पनि ब्याट्सम्यान लामो समय क्रिजमा टिक्न सकेनन् ।

प्रदेश ५ का नवौं नम्बरमा ब्याटिङमा आएका कृष्ण कार्कीले सर्वाधिक ३१ रन बनाउनुबाहेक अन्य ब्याट्सम्यानले राम्रो प्रदर्शन गर्न सकेनन् । शंकर रानाले २३, सुवेन्दु पाण्डेले ११ तथा अन्तिम थापा र सौरभ खनालले समान १४ रन बनाए । आर्मीका सुशील कँडेल र विक्रम सोवले समान ३ विकेट लिँदा सागरले २ तथा सोमपाल कामी र साहव आलमले समान १ विकेट बाँडे ।

त्यसअघि टस हारेर पहिले ब्याटिङ गरेको आर्मीले राष्ट्रिय खेलाडी तथा ओपनर सागरको शानदार शतकको सहयोगमा निर्धारित ५० ओभरमा ८ विकेट गुमाएर २ सय ८९ रन बनाएको थियो । सागरले १ सय १८ रनको शतकीय इनिङ्स खेले । ४१.५ ओभरमा लाल अधिकारीको बलमा क्याचआउट हुनुअघि पुनले १ सय ४२ बल खेलेर १० चौका र ४ छक्का प्रहार गरे ।

सागरले पहिलो विकेटका लागि अर्का ओपनर अनिल मण्डलसँग मिलेर ५२ रनको साझेदारी गरे । टिमको स्कोर ५२ हुँदा आर्मीले लगातार २ विकेट गुमायो । अनिल व्यक्तिगत १९ रनमा आउट हुँदा नरेश बुढायरले खाता खोल्नै सकेनन् । तेस्रो विकेटका रुपमा राजु रिजाल ५ रनमा रनआउटको शिकार भयो ।

त्यसपछि क्रिजमा आएका भीम सार्कीले पुनसँग मिलेर १ सय १५ रनको शतकीय साझेदारी गर्दै आर्मीको इनिङ्स उकासे । भीमले पनि ७७ रनको शानदार इनिङ्स खेले । कप्तान विनोद भण्डारीले ३७ रन बनाए । प्रदेश ५ का कृष्ण कार्कीले ३, बिक्रम भुसालले २ तथा कप्तान शक्ति गौचन र लाल अधिकारीले समान १ विकेट लिए । आर्मीका सागर पुन खेलको म्यान अफ द म्याच चुनिए ।

राष्ट्रिय खेलकुद परिषदको आयोजना तथा नेपालय इन्टरनेशनलको व्यवस्थापनमा जारी प्रतियोगिता अन्र्तगत शनिबार नेपाल एपिएफ क्लब र नेपाल पुलिस क्लबबीच दोस्रो सेमिफाइनल खेल हुनेछ । यस खेलको विजतोले आर्मीसँग उपाधिको लागि प्रतिस्पर्धा गर्नेछ ।

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

Success

Thank you for your time.