आइसिसि यु १९ बिश्व कपको पाचौ स्थानको प्ले अफमा नेपाल पाकिस्तानबिरुद्ध १२२ रनको भारी अन्तरले पराजित भएको छ।
टस जितेर पहिले फिल्डिङ रोजेको नेपाललाई पाकिस्तानले २५९ को लक्ष्य दिएको थियो । जवाफमा ४३.५ ओभर खेल्दै नेपालले १३६ रनमा सबै विकेट गुमायो ।
तीन रनमा २ विकेट गुमाएको पाकिस्तानको ३० रनमा तीन विकेट गुमेको थियो तर चौथो विकेटको १८९ रनको साझेधारीले पाकिस्तानले उक्त योगफल खडा गर्न सफल भयो ।
नेपालकोलागी सन्दिप लामिछानेले ३ विकेट लिए भने ब्याटिङमा प्रेम तामाङले सर्वोकृस्ट ६५ रन को योगदान दिए ।
हार पस्च्यात नेपालले सातौ स्थानकोलागी नामिबिया र इङ्ल्याण्ड बिचको पराजित टिमसँग भिड्ने छ ।
नामेबियाले इङ्ल्याण्डसँग हारे र नेपालले नामेबियालाई जिते नेपाल स्वत: आगामी यु १९ बिश्व कपमा छनोट हुनेछ ।
भारत फाइनलमा
श्रीलंकालाई ९७ रनले हराउदै भारत जारी यु १९ बिश्व कपको फाइनल प्रवेश गरेको छ । फाइनलमा भारतले बाङ्लादेश र वेस्ट इन्डिज बिचको बिजेता सँग भिड्ने छ ।
