6 years ago
August 5, 2018
बर्मिघम (एजेन्सी)– विराट कोहली खेल जीवनमा पहिलो पटक टेस्ट ब्याटिङ वरियताको शीर्षस्थानमा उक्लेका छन् । एक दिवसिय क्रिकेटमा यसअघि नै शीर्षस्थानमा पुगेपनि भारतीय कप्तान कोहली टेस्ट क्रिकेटको वरियतामा भने पहिलो पटक पहिलो स्थानमा पुगेका हुन् ।
इंग्ल्यान्डविरुद्ध शनिबार सकिएको पहिलो टेस्टमा कोहलीले पहिलो इनिङ्समा १ सय ४९ र दोस्रो इनिङ्समा ५१ रन बनाएका थिए । इंग्ल्यान्डमा उनले टेस्ट क्रिकेटमा बनाएको त्यो पहिलो शतक हो ।
कोहलीले २ सय रन बनाउनका वावजुद भारतले इंग्ल्यान्डविरुद्धको पहिलो टेस्टर ३१ रनले गुमाएको थियो । पाँच टेस्टको श्रृखंलामा इंग्ल्यान्ड १–० ले अघि बढेको छ । इंग्ल्यान्डविरुद्धको दुई इनिङ्समा उच्च प्रदर्शन गरेपछि कोहलीले अस्ट्रेलियका पूर्व कप्टान स्टिभ स्मिथलाई पछि पार्दै शीर्षस्थानमा उक्लेका हुन् ।
पछिल्लो ३२ महिला स्मिथ शीर्षस्थानमा थिए । दक्षिण अफ्रिकाविरुद्ध मार्चमा बल टेम्परिङको आरोपमा स्थिम १२ महिनाको प्रतिबन्धमा रहेका छन् । ५४.२८ को औसतामा ५ हजार ७ सय ५४ रन बनाएका छन् । जसमा २२ शतक सामेल छ ।
स्थिमलाई मात्र ५ अंकले पछि पारेका कोहलीले इंग्ल्यान्डविरुद्धको टेस्टमा फर्मलाई कायम राखेमा त्यो अन्तर बढ्ने निश्चित छ । टेस्ट ब्याटिङको शीर्षस्थानमा पुग्ने कोहली सातौं र सन् २०११ पछि पहिलो भारतीय खेलाडी हुन् ।
२०११ मा महान खेलाडी सचिन तेन्दुल्कर शीर्षस्थानमा थिए । कोहली अघि तेन्दुल्कर, राहुल द्रविड, गौतम गम्भिर, सुनिल गवास्कर, विरेन्द्र सहवाग र दीलिप बेङसकार टेस्ट वरियताको शीर्षस्थानमा रहन सफलभ एका थिए । टेस्ट बलिङतर्फ भने इंग्ल्यान्डका सर्वाधिक विकेट लिने खेलाडी जेम्स एन्डरसन शीर्षस्थानमा रहेका छन् ।
ब्याटिङतर्फका शीर्ष ५ खेलाडी
१. विराट कोहली (भारत)
२. स्टिभ स्थिम (अस्ट्रेलिया)
३. जोय रुट (इंग्ल्यान्ड)
४. काने विलियम्सन (न्यूजिल्यान्ड)
५. डेभिड वार्नर (अस्ट्रेलिया)
बलिङतर्फका शीर्ष ५ खेलाडी
१. जेम्स एन्डरसन (इंग्ल्यान्ड)
२. कागिसो राबाडा (दक्षिण अफ्रिका)
३. रविन्द्र जडेजा (भारत)
४. भेर्नोन फिलिन्डर (दक्षिण अफ्रिका)
५. रविचन्द्रन आश्विन
May 28, 2024
ड्यालस (हाम्रो खेलकुद) – आइसिसी टि-२० विश्वकपको वार्म अप अन्तर्गत पहिलो खेलमा नेपाल क्यानाडासँग पराजित भएको छ । ड्यालस स्थित ग्रान्ड प्रेरी क्रिकेट मैदानमा सोमबार भएको खेलमा नेपाल ६३ रनको फराकिलो अन्तरले पराजित भएको हो । क्यानाडाले दिएको १ सय ८४ रनको बलियो लक्ष्य पछ्याएको नेपाल १९.३ ओभरमा १ सय २० रनमा समेटिन पुग्यो । […]
May 27, 2024
ड्यालास (हाम्रो खेलकुद) – आइसिसी टि-२० विश्वकप अन्तर्गत आफ्नो पहिलो वार्म अप खेलमा नेपालले क्यानाडाविरुद्ध बलियो लक्ष्य पाएको छ । ग्रान्ड प्रेरि मैदानमा टस हारेर पहिला ब्याटिङ गरेको क्यानाडाले निर्धारित २० ओभरमा ७ विकेटको क्षतिमा १ सय ८३ रन बनाएको छ । अन्तिम केही ओभरमा नेपाली बलर महंगो सावित हुँदा क्यानाडाले बलियो योगफल खडा गरेको […]
May 27, 2024
काठमाडौं (हाम्रो खेलकुद) – अलराउन्डर दीपेन्द्र सिंह ऐरी ब्राण्ड एम्बेसडर रहेको ग्रेस इन्टरनेसनलले यसै साता सुरु हुने आइसीसी मेन्स टि२० विश्वकपको लागि विश्वकप विशेष गीत सार्वजनिक गरेको छ । एक दशकपछि टि२० विश्वकप खेल्न लागेको नेपाली टोलीको हौसला बढाउन तथा समर्थकहरुमा उत्साह थप्न गित सार्वजनिक गरिएको हो । विश्वभरका क्रिकेट प्रेमीहरुको ध्यान विश्वकपमा गइरहँदा नेपालका […]