धनगढी, फागुन २२ सगरमाथा सिमेन्ट धनगढी क्रिकेट लिग (डिसिएल) सिजन–३ मा टिम चौराहाले विजयी सुरुआत गरेको छ । युवा लेग स्पिनर अमन पन्थीको उत्कृष्ट प्रदर्शनको मद्दतमा चौराहाले आफ्नो पहिलो खेलमा हसनपुर माथि ७ विकेटको जित हात पारेको हो ।
शनिबार भएको पहिलो खेलमा हसनपुरले दिएको टस जितेर पहिले ब्याटिङ गरेको हसनपुरले दिइएको ७२ रनको लक्ष्य चौराहाले ओपनर विपिन रावलको १२ बलमा २० रनको पारीको मद्दतमा ११.५ ओभरमा लक्ष्य भेटायो । यस्तै दिपेन्द्र थापाले अभिजित १९ रनले उनलाई साथ दियो । हसनपुरका कप्तान तथा युवा बलर विक्रम ठगुन्नाले ४ ओभरमा १३ रन लिदै २ विकेट लिएपनि अन्य बलरहरुले उनलाई साथ दिन नसक्दा हसनपुर खेलमा फर्कन सकेन् ।
यसअघि टस जितेर पहिले ब्याटिङ गरेको हसनपुरले निर्धारित २० ओभरमा गर्दै ७१ रन मात्र बनाउन सक्यो । ११ रनमै पहिलो विकेटका रुपमा प्रकाश थापालाई गुमाएको चौराहाले लगत्तै सुबोध ऐरलाई ३ रनमै गुमाएपछि टिम दबावमा देखियो । लगत्तै अर्का ओपनर बसन्त सिंह कार्की ४ रनमा अमन पन्थिले सोनी तामाङको हातबाट क्याचआउँट भए । अनुभवी ब्याट्सम्यान विनोद लामाले १६ रनको पारी खेल्दा अमनले उनलाई बोल्ड गर्दै पभलिएको बाटो देखाए । त्यस्तै ज्ञानेन्द्र क्षेत्रीलाई पनि अमनले शुन्यमा आउँट गर्दै उनले ४ ओभरको खेलमा १ मेडन ११ रन दिदै ३ विकेट लिए । चौराहाका सोनी तामाङ र अर्जुन साउदले समान २ विकेट लिदा पदम केसी र किरण कुमार ठगुन्नाले १ विकेट लिए ।
खेलमा चौराहाका अमन पन्थी म्यान अफ दि म्याच घोषित हुदै नगद पाँचहजार हात पारे ।
प्रतियोगिता अन्र्तगत आइतबार क्याम्पसरोड र अत्तरिया तथा हसनपुर र सन्तोषी टोल विच खेल हुनेछ ।
