काठमाडौं (हाम्रो खेलकुद) – लिटिल फ्लावर बोर्डिङ स्कुल धनगढी र विज्डम एकेडेमी बेलौरी कञ्चनपुर धनगढीमा जारी देशकै सर्वाधिक धनराशीको निष्ट कलेज लिटिल फ्लावर प्रिमियर लिग (निष्ट एलपिएल ३) मा विजयी भएका छन् ।

संघीय प्रहरी कार्यालयको खेल मैदानमा शुक्रबार भएको खेलमा लिटिल फ्लावरले शारदा मावि वैयावेहडीलाई २० रनले पराजित गरेको हो ।
टस जितेर पहिला ब्याटिङ गरेको लिटिल फ्लावरले निर्धारित २० ओभरमा ७ विकेट गुमाएर १ सय ४५ रनको योगफल तयार पारेको थियो ।
लिटिल फ्लावरका कप्तान विपिन रावलले ५६ रनको अर्धशतकीय इनिङ्स खेले । शेर मल्ल २५ रनमा नटआउट रहे । सुरज तिरुवाले २१, अनिल थापाले १४ र विशाल भट्टले १० रनको योगदान दिए । शारदाका सिप्टन अन्सारी, योगेन्द्र साउँद, राहुल भण्डारी र दिपक टमटाले समान १ विकेट लिए ।

१ सय ४६ रनको लक्ष्य पछ्याउँदै जवाफी व्याटिङ गरेको शारदाले २० ओभरमा ८ विकेट गुमाउँदै १ सय २५ रन बनाउन सक्यो । राजन सिंहले ५१ रन र राहुल भन्डारीले १९ रन बनाएपनि टिमलाई जिताउन सकेन । लिटिल फ्लावरका शेर मल्ल र दिपक रोकायाले समान २ विकेट लिए । लिटिल फ्लावरका शेर मल्ल खेलको म्यान अफ द म्याच भए । लगातार दोस्रो खेलमा पराजित भएको शारदा मावि भने प्रतियोगिताबाट बाहिरिएको छ ।

शुक्रबार भएको दोस्रो खेलमा विज्डम एकेडेमी कञ्चनपुरले पहिलो जित निकालेको छ । विस्डम एकेडेमीले ह्वाईटहवास काठमाडौंलाई ४ विकेटले पराजित गरेको हो । जितसँगै विज्डम एकेडेमीले अघिल्लो चरण प्रवेशको सम्भावनालाई भने कायम राखेको छ । यद्यपि उसले लिग चरणमा कैलाली मोडल स्कुलको नतिजा पर्खनु पर्नेछ ।

टस हारेर पहिला ब्याटिङ ह्वाईट हाउस काठमाडौ १५ ओभरमा सवै विकेट गुमाउँदै ८७ रनमा समेटियो । ह्वाईट हाउसका सुशान्त सिहले २१, अरुण ऐरीले १६ र फ्रिदोस अन्सारीले १० रन बनाउन बाहेक अन्य ब्याट्सम्यानले दोहरो रनको स्कोर जोड्न सकेनन् । ह्वाईट हाउसलाई सस्तैमा समेट्ने क्रममा विज्डमका चन्द्र सिह कार्कीले ३ विकेट लिए । कैलाश ऐर र बसन्त सिंह कार्कीले समान २ तथा ने किरन कुमार ठगुन्नाले १ विकेट लिए ।
८८ रनको समान्य लक्ष्य विज्डमले १४ ओभर ५ बलमा ६ विकेट गुमाएर पूरा ग¥यो । विज्डमको लागि कप्तान लोकेश बमले २४, बसन्त सिह कार्कीले १५ रन बनाए । ह्वाईट हाउसका अमृत सिह, शुसान्त सिह र रमेश भट्टले २÷२ विकेट लिए । विज्डमका चन्द्र सिह कार्की खेलको म्यान अफ द म्याच भए ।
प्रतियोगिता अन्तर्गत शनिबार साविक विजेता सिद्धार्थ सिसु सदन र सरस्वती मावि गेटा बीच पहिलो खेल हुनेछ भने लिटिल फ्लावर र क्यास्पीयन एकेडेमी बीच दोस्रो खेल हुने आयोजकले जनाएको छ ।

प्रतियोगिताको विजेताले १ लाख ११ हजार १ सय ११ प्राप्त गर्नेछ। उपविजेताले ५५ हजार ५ सय ५५ नगदका साथै ट्रफी पाउने छन् ।