default_image

7 years ago

November 25, 2018

कोहली र पान्ड्या चम्कँदा अष्ट्रेलियामाथि भारतको जित

102 views

0 Bookmark

एजेन्सी- अष्ट्रेलियासँगको अन्तिम तथा तेस्रो टी-२० खेलमा भारत ६ विकेटले विजयी भएको छ । आइतबार सिड्नीमा भएको खेलमा घरेलु टोली अष्ट्रेलिया ६ विकेटले पराजित भएसँगै तीन टी-२० क्रिकेट श्रृंखला १-१ को बराबरीमा सकिएको छ । यसअघि पहिलो खेलमा भारत ४ रनले पराजित हुँदा दोस्रो खेल वर्षाको कारण रद्ध भएको थियो ।

अष्ट्रेलियाले प्रस्तुत गरेको १ सय ६५ रनको विजयी लक्ष्य भारतले कप्तान विराट कोहलीको उत्कृष्ट अर्धशतकमा २ बल अगाडीनै ४ विकेटको क्षतिमा पुरा गरेको हो । भारतलाई सहज जिताउन कोहलीले ४१ बलमा ४ चौका र २ छक्का प्रहार गर्दै ६१ रनमा नट आउट रहे । त्यस्तै दिनेश कार्तिकले १८ बलमा समान १ चौका र छक्का प्रहार गर्दै २२ रन जोडे ।

ओपनर शिखर धवनले पनि आक्रमक ब्याटिङ गर्दै २२ बलमा ४ चौका र २ छक्का प्रहार गर्दै ४१ रन बनाउदा रोहित शर्माले २३ र के.एल राहुलले १४ रन बनाउन सके । अष्ट्रेलियाका लागि मिचेल स्टार्क, एडम जम्पा, एन्ड्रयु टाई र ग्लेन म्याक्सवेलले समान एक-एक विकेट लिए ।

त्यसअघि टस जितेर पहिला ब्याटिङ अष्ट्रेलियाले निर्धारित २० ओभरमा ६ विकेट गुमाउँदै १ सय ६४ रन बनाउन सक्यो । पहिलो विकेटको लागि कप्तान आरोन फिन्च र डार्सी सर्टले ८.२ ओभरसम्म ६८ रनको साझेदारी गर्दै बलियो सुरुवात दिलाएका थिए । तर नवौं ओभरको तेस्रो बलमा कुलदिप यादवले कुनाल पाड्याको हातबाट क्याच गराउँदै फिन्चलाई आउट गर्दै भारतलाई पहिलो विकेट दिलाएका थिए । फिन्चले २८ रन बनाए ।

लगत्तै अर्को (९) ओभरको पहिलो बलमा सर्ट र दोस्रो बलमा बेन म्याकडर्मोटलाई क्रुनाल पान्ड्याले लगातार एलबीडब्लुको धराप पार्दै पेभिलिएन फर्काएपछि भारत खेलमा फर्किएको थियो । सर्टले २९ बलमा ५ चौका प्रहार गर्दै ३३ रन आउट भए । विकेट किपर एलेक्स करी २७, क्रिस लिन १३, मार्कस स्टोइनिस २५ र नाथन कुल्टर नाइल १३ रनमा नट आउट रहे ।

पान्ड्याले उत्कृष्ट बलिङ गरे । उनले ४ ओभरमा ३६ रन खर्चेर ४ विकेट हात पार्दा कुलदिप यादवले एक विकेट आफ्नो नाममा लेखाए । अव भारत र अष्ट्रेलियाबीच चार टेस्ट र ३ वान डे खेल हुने छ । पहिलो टेस्ट डिसेम्बर ६ देखी एडिलेडमा सुरु हुने छ ।

December 11, 2025

लुम्बिनी एनपिएलको फाइनलमा, विराटनगर ९४ रनमा अलआउट

काठमाडौं (हाम्रो खेलकुद)- लुम्बिनी लायन्सले फेरि एकपटक बलिङमा उच्च प्रदर्शन गर्दै नेपाल प्रिमियर लिग (एनपिएल) को फाइनलमा प्रवेश गरेको छ। क्वालिफायर ‘टु’मा आज विराटनगर किङ्सलाई ४० रनले हराउँदै लुम्बिनी अन्तिम दुईमा पुगेको हो। जारी लिगमा लुम्बिनीको‌ यो लगातार पाँचौं जित हो।१ सय ३५ रनको लक्ष्य पछ्याएको विराटनगर १७.५ ओभरमा ९४ रनमा अलआउट भयो । रुबेन […]

December 11, 2025

विराटनगरलाई लुम्बिनीको सामान्य लक्ष्य

काठमाडौं (हाम्रो खेलकुद)- लुम्बिनी लायन्सले नेपाल प्रिमियर लिग (एनपिएल) को क्वालिफायर टुमा विराटनगर किङ्स लाई विरुद्ध ठूलो स्कोर बनाउन सकेन । पावर प्लेमा १ विकेटको नोक्सानीमा ४४ रन जोडेको लुम्बिनीले त्यसलाई ठूलो योगफलमा परिणत गर्न असफल भयो। लुम्बिनीले ८ विकेट गुमाएर १ सय ३४ रन रनको सामान्य स्कोर बनाएको छ। दिनेश अधिकारीले दोस्रो ओभरको अन्तिम […]

December 11, 2025

विराटनगरले पहिला फिल्डिङ गर्ने

काठमाडौं (हाम्रो खेलकुद)- नेपाल प्रिमियर लिग (एनपिएल) को क्वालिफायर टु आज हुँदैछ। विराटनगर किङ्स र लुम्बिनी लायन्सबीच फाइनल प्रवेशका लागि एकअर्काको सामना गर्नेछन् । विराटनगरका कप्तान सन्दीप लामिछाने टस जितेर फिल्डिङ रोजेको छ। अब रोहित पौडेलको कप्तानीमा रहेको लुम्बिनीले पहिला ब्याटिङ गर्नेछ। विराटनगरले अघिल्लो खेलका २ जना परिवर्तन गरेको छ। सूर्य तामाङ र नारायण जोशीको […]

Success

Thank you for your time.