काठमाडौं (हाम्रो खेलकुद)– नबिल बैंक र सूर्य नेपाल प्राइभेट लिमिटेड राजधानीमा सोमबारबाट शुरु भएको सेन्चुरी बैंक कर्पोरेट सुपर सिक्सेस क्रिकेट प्रतियोगिताको प्रि–क्वाटरफाइनलमा प्रवेश गरेका छन् ।

कीर्तिपुरस्थित त्रिभुवन विश्वविद्यालय क्रिकेट मैदानमा भएको समूह ‘ए’ को खेलमा नबिल बैंकले ओम डेभलभमेन्ट बैंकलाई ४४ रनले पराजित गर्दै अन्तिम १६ को यात्रा तय गरेको छ । ओमलाई ८ रनले पराजित गरेको सुर्य नेपालले अन्तिम १६ मा स्थान बनायो । दुई हार बेहोरेको ओम प्रतियोगिताको समूह चरणबाटै बाहिरियो ।

प्रतियोगिताका अन्य खेलमा अन्नपुर्ण मिडिया र सुबिसुले समेत ई सेवालाई पराजित गर्दै प्रि क्वाटरफाइनलमा स्थान बनाए । समुह डीको खेलमा अन्नपुर्ण र सुबिसुले समान २ अंक जोडे । अंक विहिन हुँदै ई–सेवा प्रतियोगिताबाट बाहिरियो । अर्को खेलमा सिप्रदीले समुह ईको खेलमा दुई जित निकाल्दै प्रि क्वार्टरफाईनल प्रवेश गरेको छ ।

समुह चरणको खेलमा कुमारी बैंक र एनएमबी बंैकलाई पराजित गर्दै सिप्रदी अन्तिम १६ मा प्रवेश गरेको हो । अन्य खेलमा सनराइजले टाईगर्स ब्रुअरी, समूह ‘सी’ बाट सेन्चुरीले सिभिल बैंकलाई पराजित ग¥यो ।