7 years ago
December 6, 2018
काठमाडौं (हाम्रो खेलकुद) – शनिबारबाट सुरु हुने तेस्रो संकरणको टिभीएस एभरेष्ट प्रिमियर लिग (ईपीएल) को ट्रफी सार्वजनिक गरिएको छ । काठमाडौंमा आज एक कार्यक्रमकाबीच ट्रफी सार्वजनिक गरिएको हो ।
ट्रफी सार्वजनिकमा ६ फ्रेन्चाइज टोलीका ६ कप्तान सहभागी थिए । ईपीएलमा काठमाडौं किंग्स इलेभेन, ललितपुर प्याट्रीयट्स, विराटनगर वारीयर्स, भैरहवा ग्लाडीयटर्स, चितवन टाइगर्स र पोखरा राइनोज गरि ६ टिम रहेका छन् । राउण्ड रोविनका आधरमा हुने खेलमा शीर्ष चार टोलीले प्लेअफमा स्थान बनाउने छन् । यस पटक पोखरा राइनोजको कप्तानी स्कटल्यान्डका काइल कोट्जरले गर्ने भएका छन् । काठमाडौंको कप्तानी सोमपाल कामी र चितवनको पृथु बास्कोटाले गर्ने छन् ।
गत वर्ष पोखराको कप्तानमा शक्ति गौचन, चितवनमा दिपेन्द्रसिंह ऐरी र काठमाडौंमा श्रीलंकाका फरवेज महारूफ रहेका थिए । ईपीएलको विजेताले पाउने पुरस्कार रकम भने घोषणा गरिएको छैन । ईपीएलका प्रबन्ध निर्देशक आमिर अख्तरले पुरस्कार राशी केहि दिनमै घोषणा गर्ने जानकारी दिए ।
ट्रफी सार्वजनिक कार्यक्रममा विराटनगरका कप्तान पारस खड्काले टिम सन्तुलन रहेकोले राम्रो खेल्दै पुन: उपाधि जित्ने लक्ष्य राखेको बताए । गत संस्करणमा विराटनगरले भैरवाहलाई १ रनले हराउँदै उपाधि जितेको थियो । पारसले सम्पूर्ण फ्यान,स्पोन्सर,मिडियालाई धन्यावाद समेत दिए ।
ललितपुरका कप्तान ज्ञानेन्द्र मल्लले टिममा ठूला नाम भन्दा पनि खेलमा खेलाडीले राम्रो खेल्नु पर्ने बताए । आफ्नो टोलीमा ठूला नामका खेलाडी नभएपनि राम्रो प्रर्दशन गर्ने दाबी गरे । त्यस्तै काठमाडौँका कप्तान सोमपाल कामीले गत वर्ष कस्तो खेलियो भन्दा पनि यो वर्ष राम्रो प्रर्दशन गर्ने बताए । सोमपालले आयरल्यान्डका केभिन ओ’ब्रायनको आगमनले टिम झनै राम्रो भएको र टोलीमा आत्माविश्वास पनि बढेको बताए ।
चितवनका कप्तान पृथु बास्कोटाले युवा खेलाडी राम्रो लयमा रहेको कारण प्रतियागितामा राम्रो प्रर्दशन गर्ने बताए । भैरवाहका कप्तान शरद भेषवाकरले टिमको सन्तुलन राम्रो रहेकाले यसपटक पनि लक्ष्य ट्रफी जित्नेनै रहेको बताए । पोखराका कप्तान कोट्जरले ईपीएल खेल्न निकै आतुर रहेको बताए । उनले नेपाली क्रिकेट समर्थक विश्वभरमै प्रख्यात रहेकाले यहाँको अनुभव बेग्लै हुने बताए ।
ईपीएलमा शनिबार ललितपुर र विराटनगरबीच खेल हुने छ । खेल दिउँसो १ बजे किर्तिपुरस्थित त्रिभुवन विश्वविद्यालयको क्रिकेट मैदानमा हुनेछ ।
December 11, 2025
काठमाडौं (हाम्रो खेलकुद)- लुम्बिनी लायन्सले फेरि एकपटक बलिङमा उच्च प्रदर्शन गर्दै नेपाल प्रिमियर लिग (एनपिएल) को फाइनलमा प्रवेश गरेको छ। क्वालिफायर ‘टु’मा आज विराटनगर किङ्सलाई ४० रनले हराउँदै लुम्बिनी अन्तिम दुईमा पुगेको हो। जारी लिगमा लुम्बिनीको यो लगातार पाँचौं जित हो।१ सय ३५ रनको लक्ष्य पछ्याएको विराटनगर १७.५ ओभरमा ९४ रनमा अलआउट भयो । रुबेन […]
December 11, 2025
काठमाडौं (हाम्रो खेलकुद)- लुम्बिनी लायन्सले नेपाल प्रिमियर लिग (एनपिएल) को क्वालिफायर टुमा विराटनगर किङ्स लाई विरुद्ध ठूलो स्कोर बनाउन सकेन । पावर प्लेमा १ विकेटको नोक्सानीमा ४४ रन जोडेको लुम्बिनीले त्यसलाई ठूलो योगफलमा परिणत गर्न असफल भयो। लुम्बिनीले ८ विकेट गुमाएर १ सय ३४ रन रनको सामान्य स्कोर बनाएको छ। दिनेश अधिकारीले दोस्रो ओभरको अन्तिम […]
December 11, 2025
काठमाडौं (हाम्रो खेलकुद)- नेपाल प्रिमियर लिग (एनपिएल) को क्वालिफायर टु आज हुँदैछ। विराटनगर किङ्स र लुम्बिनी लायन्सबीच फाइनल प्रवेशका लागि एकअर्काको सामना गर्नेछन् । विराटनगरका कप्तान सन्दीप लामिछाने टस जितेर फिल्डिङ रोजेको छ। अब रोहित पौडेलको कप्तानीमा रहेको लुम्बिनीले पहिला ब्याटिङ गर्नेछ। विराटनगरले अघिल्लो खेलका २ जना परिवर्तन गरेको छ। सूर्य तामाङ र नारायण जोशीको […]
