एजेन्सी – अष्ट्रेलियाविरुद्धको पहिलो टेस्टमा दोस्रो दिनको खेल सकिदा भारतले दबदबा बनाएको छ ।

घरेलु टोली अष्ट्रेलियाले दोस्रो दिनको खेल सकिदा १ सय ९१ रन बनाउँदा ७ विकेट गुमाएको छ ।अष्ट्रेलिया अझैँ ५९ रनले पछि परेको छ । अष्ट्रेलियाका लागि ट्रभिस हेड ६१ र मिचेल स्टार्क ८ रनमा नट आउट रहेका छन् । हेडले १ सय ४९ बलमा ६ चौका प्रहार गरे । पहिलो ओभरको तेस्रो बलमै इशान्त शर्माले उत्कृष्ट बोल्ड आउट गर्दै आरोन फिन्चलाई डक आउट पेभिलिएन फर्काए ।

फिन्च१९ वर्षपछि एडिलेडमा डक आउट हुने अष्ट्रेलियाका पहिलो ओपनर हुन् ।यसअघि सन् १९९९ मा माइकल स्लाटर डक आउट भएका थिए । अष्ट्रेलियाका पिटर हृयान्डस्कोम्बले ३४, उस्मान खवाजाले २८ र मार्कुस हृयारिसले २६ रन बनाउन बाहेक अन्य कुनै पनि ब्याट्सम्यानले राम्रो प्रर्दशन गर्न सकेनन् । त्यस्तै शन मार्शले २ रनमा आउट हुँदै १ सय ३० वर्षको पुरानो नकरात्मक रेकर्ड तोडेका छन् ।

रविचन्द्र आश्विनले २ रनमा बोल्ड आउट गर्दा मार्शले नकरात्मक रेकर्ड आफ्नो नाममा राख्न पुगे । मार्श सन् १८८८ पछि लगातार ६ पारीमा दोहोरो रन छुन नसक्ने अष्ट्रेलियाका टप अडरका पहिलो ब्याट्सम्यान बनेका छन् । अष्ट्रेलियाका ब्याट्सम्यानलाई सस्तैमा समेट्ने क्रममा भारतका स्पिनर रविचन्द्रन अश्विनले ३ विकेट लिए । त्यस्तै, जसप्रित बुमराह र इशान्त शर्माले समान २–२ विकेट लिए ।

त्यसअघिभारतले टस जितेर पहिले ब्याटिङ गर्दै आफ्नो पहिलो इनिङ्समा सबै विकेटको क्षतिमा २ सय ५० रन बनायो । पहिलो दिनको ९ विकेटको क्षतिमा २ सय ५० रन बनाएको भारतले दोस्रो दिन आज यही स्थितिबाट ब्याटिङ थाले पनि कुनै रन जोड्न नसकि अन्तिम विकेट गुमायो । खराब सुरुवात गरेको भारतलाई मध्यम स्कोर सम्म पुर्याउन चेतेश्वर पुजाराले उत्कृष्ट शतक प्रहार गरेका थिए । पुजाराले २ सय ४६ बलमा ७ चौका र २ छक्का प्रहार गर्दै १ सय २३ रन बनाएपछि भारतले सम्मानजनक स्थितीमा पुगेको थियो ।

भारतकालागि रोहित शर्माले ३७, ऋषभ पन्त र रविचन्द्र आश्विनले समान २५ रन बनाउन बाहेक अन्य कुनै पनि ब्याट्सम्यानले राम्रो प्रर्दशन गर्न सकेनन् । अस्ट्रेलियाका जोश हज्लेवोडले ३ विकेट लिए । त्यस्तै, मिचेल स्टार्क, पैट कुमिन्स र नाथन लियोनले समान २– २ विकेट लिए ।