काठमाडौं (हाम्रो खेलकुद) – भारतीय ब्याट्सम्यान रवि इन्दर सिंहले नटआउट शतक प्रहार गरेपछि टिभीएस एभरेष्ट प्रिमियर लिग (ईपीएल) को तेस्रो खेलमा भैरहवा ग्ल्याडीयटर्सले पोखरा राइनोजलाई ४ विकेटले पराजित गरेको छ ।

पोखराले प्रस्तुत गरेको २ सय १६ रनको विशाल लक्ष्य पछ्याएको भैरहवाले सिंहको शतकमा अन्तिम ओभरमा ६ विकेटको क्षतिमा लक्ष्य पुरा गर्दै शानदार विजयी सुरुवात गरेको छ । ईपीएलमा यो कीर्तिमानी जित हो । यो नै प्रतियोगिताको इतिहासमा सर्वाधिक लक्ष्य प्राप्त भएको हो ।

भैरहवाको जितमा सिंह नायक सावित भए । सिंहले ४७ बलमै शतक पुरा गरेका थिए । उनले ६० बलमा ८ चौका र १० छक्का प्रहार गर्दै १ सय २५ रनमा नट आउट रहेपछि भैरहवाले अन्तिम ओभरमा जित निकालेको हो । उनलाई पुनित मेहेरले १८ रनमा नट आउट रहेर साथ दिए ।

aww

रवी इन्द्र सिंह

सुरुवाती दुई ओभरमै ओपनर हरि शंकर शाह र प्रदीप ऐरी भैरहवाले गुमाएको थियो । शाहले खाता खोल्न नसक्दा ऐरीले ११ रनमा पेभिलिएन फर्किए । त्यस्तै कप्तान शरद भेषवाकर ६ र रायन टेन डोस्काटे १६ रनमा आउट भएपछि भैरहवाको ब्याटिङ धरमराउने संकेत देखिएको थियो ।

तर रविन्दर सिंह र आरिफ शेखले उत्कृष्ट ब्याटिङ गरे । पाँचौ विकेटका लागि सिंह र आरिफले ८९ रनको साझेदारी गर्दै भैरहवाको इनिङस उकासेका थिए । आरिफले १३ बलमा २ छक्का प्रहार गर्दै २३ रनमा आउट भए । पोखराका लागि शुशन भारी, विक्रम शोब र कोग्लिनले समान दुई विकेट लिएपनि जितको लागि पर्याप्त हुन सकेन ।

रिचार्ड लेभी (दायाँ) र काइल कोट्जर

त्यसअघि टस जितेर पहिला ब्याटिङ गरेको पोखराले २० ओभरमा ५ विकेटको क्षतिमा २ सय १५ रन बनाएको थियो । ओपनर रिचर्ड लेभी र काइल कोट्जरले पहिलो विकेटको लागी उत्कृष्ट १ सय ४ रनको शतकीय साझेदारी गरेपछि विशाल योगफल बनेको थियो ।

दक्षिण अफ्रिकाका ओपनर समेत रहेका लेभीले आक्रमक ब्याटिङ गरे । २३ बलमा अर्धशतक पुरा गरेका लेभीले ८. २ ओभरमा कृष्ण कार्कीको ओभरमा रायन टेनको हातबाट क्याच आउट हुनु अघि ७९ रन बनाए । उनले ३६ बलमा समान ७ चौका र छक्का गरे । त्यस्तै पोखराका सुनिल धमला र कोट्जरले दोस्रो विकेटका लागि ७१ रनको साझेदारी गरे ।

रिचार्ड लेभी

धमला २२ बलमा १ चौका र २ छक्का प्रहार गर्दै ३८ रनमा पेभिलिएन फर्किए । धमलालाई पुनित महेराले १५. ४ बलमा रायन टेनको हातबाट क्याच आउट गराएका हुन् । त्यस्तै कोट्जरलाई अभिनास बोहराले १६.१ ओभरमा कृष्ण कार्कीको हातबाट क्याच गराउदै ४७ रनमा आउट गरे । उनले ३७ बलमा ४ चौका र २ छक्का प्रहार गरे ।

पोखराका अन्य पल कोग्लिन २० , विनोद भण्डारी ६,राजेश पुलामी मगर ३ र सौरभ खनालले ७ रन बनाए । भैरहवाका लागि कृष्ण कार्की,पुनित, अभिनास र रायनले समान एक विकेट लिन बाहेक अन्य कुनैपनि बलरले विकेट लिन सकेनन् ।

सुनील धमला