काठमाडौं (हाम्रो खेलकुद) – एभरेष्ट प्रिमियर लिग (ईपीएल) को सातौं खेलमा भैरहवा ग्ल्याडीयटर्सले चितवन राइनोजसामु १ सय ४४ रनको लक्ष्य प्रस्तुत गरेको छ ।

टस हारेर पहिला ब्याटिङ गरेको भैरहवाले १९.३ ओभरमा अल आउट हुदैँ १ सय ४३ रन बनाउन सक्यो । ओपनर कुशल मल्ल र प्रदीप ऐरीले पहिलो विकेटका लागि ३५ रनको साझेदारी गर्दै मध्यम सरुवात गरेका थिए । पल स्टरलिङको पाँचौ ओभरको चौथो बलमा प्रदीप एरीलाई २६ रनमा पृथु वास्कोटाले रन आउट गराउदा अर्को बलमा मल्ललाई बोल्ड गर्दै ३ रनमा आउट गर्दै दुबै ओपनरलाई पेभिलिएन फर्काए ।

दिपेन्द्रसिंह ऐरीले ११ ओभरको चौथो बलमा रवि इन्दर सिंहलाई २५ रन बनाएको अवस्थामा विकेटकीपर जोन सिम्पसनको हातबाट क्याच र त्यसको एक बल पछि कप्तान शरद भेषवाकर १ मा रन आउट भएपछि चितवन खेलमा फर्किएको थियो । कुनै समय ११ ओभर भित्र ८२ रन जा्ड्न ४ विकेट गुमाएको भैरहवालई पाँचौ विकेटका लागि रायन टेन डोस्काटे र आरिफ शेखले ३३ रनको साझेदारी गर्दै सम्मानजनक स्थितीमा पुर्याउन खोजेका थिए ।

रवी इन्दर सिंह

तर सागर ढकालले १६ ओभरको पहिलो बलमै डेस्काटेलाई ३५ रनमा आउट गर्दै पेभिलिएनको बाटो देखाएपछि खेलमा चितवन हाबी देखािएको थियो । डोस्काटेले २५ बलमा ३ छक्का र १ चौका प्रहार गरे । सागर ढकालले आफ्नो अन्तिम स्पेलमा १८ औा ओभरको दोस्रो बलमा आरिफ र तेस्रो बलमा पुनित महेरालाई आउट गरेपछि भैरहवा ठूलो स्कोर बनाउनबाट चुकेको हो । आरिफ २० बलमा समान १ छक्का र चौका प्रहार गर्दै १८ रन बनाउदा पुनितले १२ रन जोड्न सके । रोहित कुमार पौडेलले ४ र कृष्ण कार्कीले ९ रन बनाए ।

भैरहवालाई मध्यम स्कोरमा रोक्न युवा खेलाडी सागर ढकालले धातक बलिङ गरे । उनले ४ ओभरमा २७ रन खर्चेर ३ विकेट लिए । जर्ज स्कटले २, पल स्टिरलिङ, ललितसिंह भण्डारी र दिपेन्द्रसिंह ऐरीले समान एक एक विकेट लिए । सरुवाती दुई खेलमा लगातार पराजित भएको चितवनले अघिल्लो चरणको यात्रा कायमै राख्न आजके खेल जित्नै पर्ने हुन्छ ।

साहब आलम