काठमाडौं (हाम्रो खेलकुद) – तेस्रो संस्करणको टिभीएस एभरेष्ट प्रिमियर लिग (ईपीएल) को पाँचौ दिन आज दुई खेल हुने छन् ।
विराटनगर वारीयर्स
पहिलो खेलमा उपाधिका प्रमुख दुई टोली, पारस खड्काले नेतृत्व रहेको विराटनगर वारियर्सले भरद भेषवाकरले कप्तानी गरि रहेको भैरहवा ग्ल्याडीयटर्ससँग प्रतिस्पर्धा गर्दै छ । खेल ९ वजेबाट सुरुहुने छ । जारी प्रतियोगितमा यी दुबै टोलीले सुरुवाती दुइ खेलमा जित निकालेका छन् । भैरहवाले पहिलो खेलमा पोखरा राइनोजलाई ४ विकेटले पराजित गर्दा दोस्रो खेलमा चितवन टाइगर्सलाई १२ रनले हराएको थियो । पोखरालाई पराजित गर्न भैरहवाले २ सय १६ रनको लक्ष्य पुरा गरेको थियो ।
विराटनगरले भने सामान्य लक्ष्य पनि संघर्षपूर्ण जित निकाली रहेको छ । ललितपुरले दिएको १ सय ५ रनको लक्ष्य विराटनगरले अन्तिम ओभरमा ७ विकेटको क्षतिमा पुरा गरेको थियो । दोस्रो खेलमा पोखराले दिएको ८५ रन लक्ष्य पुरा गर्न नसक्दा टाइ हुदैँ सुपर ओभरमा विजयी भयो । ब्याटिङमा कमजोर देखिएको विराटनगरको लागि आजको खेलमा हङकङका पुर्व कप्तान तथा ब्याटिङ अलराउण्डर बाबर हायत खेल्ने छन् । बाबरको आगमनले विराटनगरको ब्याटिङमा केहि सुधार आउने अनुमान गरिएको छ ।
भैरहवा ग्ल्याडीयटर्स
त्यस्तै आजको खेलमा भैरहवाबाट युएईको तीब्र गतिका बलर मोहम्मद नाविद पनि खेल्ने छन् । बाबर र नाविद एसीसी एमरजिङ टिप्स कपको कारण सूरुवाती खेल गुमाएका थिए । भैरहवा र विराटनगरबीचको विजेता टोलीले दुई खेल अगाडीनै प्ले अफमा पुग्ने छ । गत संकरणको फाइनल खेलमा विराटनगरले भैरहवालाई १ रनले हराउँदै उपाधि जितेको थियो । पछिल्ला ३ खेलमा भैरहवाले विराटनगरलाई हराउन सकेको छैन ।
त्यस्तै आजको दोस्रो खेलमा ललितपुर प्याट्रीयट्सले काठमाडौँ किंग्स इलाभेनको सामना गर्ने छ । खेल १ वजेबाट सुरु हुने छ । ललितपुरले आजको खेलमा जित आत्मासात गर्न सके एक खेल अगाडी नै प्ले अफमा पुग्ने दोस्रो टिम बन्ने छ । आजको खेलमा पराजित भए अर्को खेल सम्म पर्खनु पर्ने हुन्छ । ललितपुरले सुरुवाती ३ खेलमा दुईमा जित र १ मा हारका साथ अंकतालिको शिर्ष स्थानमा रहेको छ ।
ललितपुर प्याट्रीयट्स
पहिलो खेलमा विराटनगरसँग ३ विकेटले पराजित भएको ललितपुररले दोस्रो खेलमा चितवन टाइगर्सलाई ११ रनले पराजित गरेको थियो । तेस्रो खेलमा पोखरा राइनोजलाई ८ विकेटको फराकिलो अन्तरले पराजित गरेको थियो । सोमपाल कामीले नेतृत्व गरेको काठमाडौँ लगातार दोस्रो जितको खोजिमा हुने छ । पहिलो खेलमा काठमाडौँले चितवनलाई ६ विकेटले पराजित गरेको थियो । आजको खेलमा काठमाडौंबाट युएईका कप्तान रोहन मुस्तफा पनि खेल्ने छन् ।
