एजेन्सी – अष्ट्रेलियाविरुद्धको पहिलो टेस्टमा भारतले ऐतिहासिक जित निकाल्यो । सोमबार अष्ट्रेलियालाई ३१ रनले पराजित गर्दै भारतले ४ टेस्टको श्रृंखला १-० को अग्रता लिन सफल भयो ।

यो जितसँगै सन् २००८ देखी अष्ट्रेलिया भूमिमा भारतको जितको खडेरीपनि तोडिएको छ । तर भारतको जित भने विवादबाट अछुतो रहन सकेन । अन्तिम विकेटको रुपमा जोश हेजलवुडको क्याच केएल राहुलले लिएको निकै विवाद र सामाजिक सञ्जालमा भाईरल बनेको छ । त्यस्तै भारतको विवादित जितमा भने यी ५ कीर्तिमान बनेका छन् :

ऋषव पन्तको सर्वाधिक क्याच बराबरी

एकै टेस्टमा पन्तले सार्वधिक क्याच लिने विकेटकीपरको विश्व रेकर्ड बराबरी गरेका छन् । पन्तले पहिलो टेस्टमा पहिलो र दोस्रो इनिङ्स गरि कुल कुल ११ क्याच लिए । यस अघि सन् १९९५ माम इंग्ल्यान्डका ज्याक रसेल र सन् २०१३ मा दक्षिण अफ्रिकाका पुर्व विकेटकीपर एवि डी भिलियर्सको नाममा पनि ११ विकेट रहेको छ । ज्याकले दक्षिण अफ्रिकाबीरुद्ध र डी भिलियर्सले पाकिस्तानबिरुद्ध यो रेकर्ड कायम गरेका थिए ।

सर्वाधिक ब्याट्सम्यान क्याच आउट

भारत र अष्ट्रेलियाको पहिलो टेस्टमा दुई पारीमा गरि ३५ ब्याट्सम्यान क्याच आउट भए । यस अघि गत वर्ष अष्ट्रेलिया र दक्षिण अफ्रिकाविरुद्धको तेस्रो टेस्मा ३४ ब्याट्सम्यान क्याच आउटको शिकार बनेका थिए । जुन टेस्टमा बल टेम्परिङ काण्डका कारण निकै विवादित बनेको थियो । जसका कारण स्टिभ स्मिथ र डेविड वार्नरले एक वर्षको प्रतिवन्ध खेपिरहेका छन् ।

एसियाको पहिलो कप्तान बने कोहली

इंग्ल्यान्ड, दक्षिण अफ्रीका र अस्ट्रेलियामा टेस्ट जित्ने विराट कोहली पहिलो एसियाली कप्तान बनेका छन् । यस अघि एसियाका कुनै पनि टेस्ट कप्तानले यी तिनै देशमा जित निकाल्न सकेका थिएनन् । त्यस्तै सन् २००९ यता अष्ट्रेलियामा टेस्ट जित्ने भारत एसियाको पहिलो टिम बनेको छ ।

१० वर्षपछि अष्ट्रेलियन भूमिमा भारतको जित

भारतले सन् २००८ पछि अष्ट्रेलियन भूमिमा पहिलो टेस्ट जितेको छ । त्यस्तै एडिलेडमा अष्ट्रेलियाले सन् २०१० पछि पहिलो पटक हारेको छ ।

लगातार ६ टेस्टमा अष्ट्रेलिया पराजित

सन् २०१३ यता पहिलो पटक अष्ट्रेलियाले लगातार ६ टेस्टमा पराजित भएको छ । त्यस्तै टीम पेन लगतार ४ टेस्टमा पराजित हुने सन् १९२८/२९ पछि अष्ट्रेलियाको पहिलो कप्तानको बनेका छन् ।