default_image

5 years ago

December 15, 2018

इपिएलमा चितवनको प्ले अफ पुग्ने संभावना कायमै

काठमाडौं – पोखरा राइनोजलाई ७ विकेटले पराजित गर्दै चितवन टाइगर्सले तेस्रो संकरणको टिभीएस एभरेष्ट प्रिमियर लिग (इपिएल) मा प्ले अफको संभावना कायमै राखेको छ । यो हारसँगै पोखरा राइनोज लगातार पाँच खेलमा पराजित हुदैं घर फर्किएको छ । काठमाडौं किंग्स इलाभनेसँग वराटनगर वारीयर्स फराकिलो अन्तरले पराजित भए नेट रन रेटको आधारमा चितवन प्ले अफमा पुग्न […]

35 views

0 Bookmark

काठमाडौं – पोखरा राइनोजलाई ७ विकेटले पराजित गर्दै चितवन टाइगर्सले तेस्रो संकरणको टिभीएस एभरेष्ट प्रिमियर लिग (इपिएल) मा प्ले अफको संभावना कायमै राखेको छ । यो हारसँगै पोखरा राइनोज लगातार पाँच खेलमा पराजित हुदैं घर फर्किएको छ ।

चितवन टाइगर्स

काठमाडौं किंग्स इलाभनेसँग वराटनगर वारीयर्स फराकिलो अन्तरले पराजित भए नेट रन रेटको आधारमा चितवन प्ले अफमा पुग्न सक्छ । यस अघिनै भैरहवा,ललितपुर र काठमाडौं प्ले अफमा पुगि सकेका छन् । अव विराटनगर चितवन मध्य एक टोली प्ले अफमा पुग्दा एक समुह चरणबाटै घर फर्किने छ ।

१ सय ३० रनको लक्ष्य पाएको चितवनले १९ ओभरमा ३ विकेटको क्षतिमा १ सय ३४ रन बनाउदै पुरा गर्यो । चितवनको जितमा आयरल्यान्डका ओपनर समेत रहेको पाउल स्टरलिङ र दिपेन्द्र सिंह ऐरीले उत्कृष्ट ब्याटिङ गरे । स्टरलिङ र दिपेन्द्रले तेस्रो विकेटका लागि ६९ रनको साझेदारी गर्दै सहज जित दिलाए ।

१९ औं ओभरको पाँचौ बलमा चौका र छैटौं बलमा नन्दन यादवलाई छक्का हान्दै दिपेन्द्रले खेल सकाएका थिए । ऐरीले ४६ बलमा ५ चौका र २ छक्का प्रहार गर्दै ५४ रनमा नट आउट रहे । जर्ज स्कट पनि ३ रनमा अविजीत रहे । तेस्रो विकेटका रुपमा आउट भएका स्टरलिङले ४६ बलमा ५५ रन बनाउन ५ चौका र २ छक्का प्रहार गरे ।

स्टरलिङलाई १७ औं ओभरको पहिलो खेलमा सुसन भारीले पाउल कोग्लिनको हातबाट क्याच आउट गराए । चितवनका अन्य सन्दीप सुनार १० र जोन सिम्पसनले ९ रन बनाए । यी दुबैलाई नन्दन यादवले बोल्ड आउट गरेका थिए । पोखराका लागि नन्दन यादवले ४ ओभरमा ३५ रन खर्चेर २ विकेट लिएपनि टोलीको हार टार्न सकेन । त्यस्तै शुसन भारीले १ विकेट लिए ।

अन्तिम घरेलु लिग खेलेका शक्ति गौचनले ४ ओभरमा २५ रन खर्चिदा कुनै विकेट लिन सकेनन् । शिक्तलाई गार्ड अर्फ अर्नरको सम्मान सहित क्रिकेट मैदान परिक्रमा गरिएको छ । त्यस अघि टियू क्रिकेट मैदानमा टस हारेर पहिला ब्याटिङ गरेको पोखराले निर्धारित २० ओभरमा ५ विकेटको क्षतिमा १ सय २९ रन बनाएको थियो ।

ओपनर बिनोद भण्डारी र कप्तान काइल कोट्जरले पहिलो विकेटका लागि २९ रनको साझेदारी गर्दै पोखरालाई मध्यम सुरुवात दिलाएका थिए । सागर ढकालको हातबाट क्याच गराउदै जर्ज स्कटले कोट्जरलाई २३ रनमा पेभिलिएन फर्काए । कोट्जरले १७ बलमा ३ चौका र १ छक्का प्रहार गरे । दोस्रो विकेटका लागि भण्डारी र सुनिल धमलाले ४४ रनको साझेदारी गर्दै ठूलो स्कोरको आसा देखाए थिए ।

तर ललितसिंह भण्डारीले १२ औं ओभरको पाँचौ बलमा विनोद र छैटौं बलमा काउल कोग्लिनलाई डक आउट गर्दै पेभिलिएन फर्काएपछि पोखरा ठूलो स्कोर बनाउनबाट चुकेको हो । विकेटकीपर जोन सिम्पसनको हातबाट क्याच आउट हुनु अघि भण्डारीले ३६ बलमा ३ चौका प्रहार गर्दै २७ रन बनाए ।

सोच बुझकासाथ ब्याटिङ गरेका सुनिल धमलाले ४२ बलमा ३ चौका र २ छक्का प्रहार गर्दै ५१ रन जोडे । धमलालाई अन्तिम ओभरको दोस्रो बलमा जर्ज स्कटले भिम सार्कीको हातबाट क्याच आउट गराएका थिए । पोखराका अन्य राजेश पुलामी मगर १२ ,सन्नी भिससरीयाले ४ र अन्तिम घरेलु लिग खेलेका शक्ति गौचनले १ रन बनाए ।

चितवनका लागि जर्ज स्कर्ट ४ ओभरमा २४ रन खर्चेर ३ विकेट लिए । ललितसिंह भण्डारीले ४ पनि ओभरमा २९ रन खर्चेर २ विकेट लिन बाहेक अन्य कुनै पनि बलरले विकेट लिन सकेनन् ।

March 29, 2024

लोकेशको शतकका बाबजुद नेपाल ‘ए’ पराजित

काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]

March 29, 2024

नेपाल ‘ए’ लाई आयरल्यान्ड वल्भ्सको विशाल लक्ष्य

काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]

March 29, 2024

कमल प्लेइङ-११ मा खेल्दै, पवन बेन्चमा

काठमाडौं (हाम्रो खेलकुद) – तीव्र गतिका बलर कमलसिंह ऐरीले नेपाल ‘ए’ बाट आयरल्यान्ड वल्भ्सविरुद्ध शुक्रबार हुने टि२० खेलमार्फत पुनरागमन गर्ने भएका छन् । नेपाल ‘ए’ को कप्तान विनोद भण्डारीले टस जितेर पहिलो फिल्डीङ गर्ने निर्णय लिएका हुन् । आयरल्यान्ड वल्भ्सले सुरुवाती इनिङमा ब्याटिङ गर्दैछ । कमलले लामो समय चोटका कारण बाहिर रहेर आज पुनरागमन गर्दैछन् […]

Success

Thank you for your time.