काठमाडौं – टिभीएस एभरेष्ट प्रिमियर लिग (ईपीएल) को समूह चरणको अन्तिम खेलमा विराटनगर वारीयर्सले काठमाडौं किंग्स इलाभेनलाई १ सय १ रनको लक्ष्य दिएको छ ।

टीयू क्रिकेट मैदानमा टस हारेर पहिला ब्याटिङ थालेको विराटनगरले १७.५ ओभरमा १ सय रन बनाउदै सबै विकेट गुमायो । खराव सूरुवात गरेको विराटनगरले त्यो भन्दा अझबढी खराव अन्त्य गर्यो । सुरुवाती १० ओभरमा ६३ रन बनाउन ४ विकेट गुमाएको विराटनगरले पछिल्लो ७.५ ओभरमा मात्र ३७ रन बनाउन ६ विकेट गुमायो ।

तेस्रो ओभरको पहिलो बलमै केभिन ओ,ब्राइनले ओपनर अनिल कुमार शाहलाई ६ रनमा बोल्ड आउट गरे । छैटौं ओभरको पाँचौ बलमा बाबर हायातलाई जितेन्द्र मुखियाले प्रदीप साहुको हातबाट क्याच गराउर्दै ११ रनमा पेभिलिएन फर्काए । कप्तान पारस खड्काले आज पनि रामँ्रो पर्दशन गर्न सकेनन् । पारसलाई सातौं ओभरको दोस्रो बलमा प्रदीप साुहले सिद्धान्त लोहनीको बाट क्याच गराउदैँ २१ रनमा आउट गरेपछि विराटनगर ४४ रन बनाउन विराटनगरले प्रमुख ४ विकेट गुमाउदै कमजोर अवस्थामा पुग्यो । पारसले १६ बलमा २ चौका र १ छक्का पहार गरे ।

लगतै आठौं ओभरको तेस्रो बलमा आसिफ शेखलाई कप्तान रोहन मुस्तफाले ४ रनमा बोल्ड आउट गरेपछि विराटनगर जित्नै पर्ने खेलमा सामान्य लक्ष्यमा समेटिन पुगेको हो । विराटनगरको निरन्तर विकेट पतन जारी रह्यो । पाँचौ विकेटका रुपमा रोलोफ भान डर मर्व पनि ४ रनमा आउट भए । मर्वलाई प्रदीप साहुले ११ औं ओभरको चौथो बलमा बोल्ड आउट गर्दै पेभिलिएनको बाटो देखाए । छैटौं विकेटका लागि हरि चौरान र सुमित महर्जनले २५ रनको साझेदारी गर्दै केहि आसा दृेखाएका थिए ।

तर १६ औं ओभरको दोस्रो बलमा सुमित महर्जनलाई मुस्तफाले विकेटकीपर राजु रिजालको हातबाट क्याच गराउर्दै पाट्नरशिपमा बे्रक गदिएपछि विराटनगरको ठूलो स्कोरको आसा सकिएको थियो । महर्जनले २३ बलमा २ छक्का र १ चौका प्रहार गर्दै २५ रन बनाए । विराटनगरको विकट पतन निरन्तर जारी रह्यो । काठमाडौंका बलर सामु विराटनगरका कुनै पनि ब्याट्सम्यान क्रिजमा टिकेर रन बनाउन सकेनन् । निरन्तर विकेट गुमाएको विराटनगरका लागि हरि चौरानले २३ बलमा ३ चौका प्रहार गर्दै २२, पुष्प थापा र करण केसीले समान १ रन बनाए । पाउल भान मिकरेन र रविन क्षेत्रीले खात सम्म खोल्न सकेनन् ।

विराटनगरलाई सस्तैमा रोक्न काठमाडौंका केभिन ओ ब्राइनले घातक बलिङ गरे । उनले ३ ओभरमा १८ रन खर्चेर ३ विकेट लिए । त्यस्तै प्रदीप साहुले पनि कसिलो बलिङ गरे । साहुले ४ ओभरमा मात्र १० रन खर्चेर २ विकेट आफ्नो नाम लेखाए । रोहन मुस्तफा र बिक्रम भुषालले समान दुई विकेट लिदा जितेन्द्र मुखियाले पनि १ विकेट आफ्नो नाममा लेखाए ।

प्ले अफमा स्थान बनाउन विराटनगरलाई आजको जित्नै पर्ने दवावमा छ । काठमाडौं विजयी भए ललितपुरसँग क्वालिफायर खेल खेल्ने छ ।