काठमाडौं – एभरेष्ट प्रिमियर लिग (ईपीएल) को एलिमिनेटर खेलमा आज भैरहवा ग्ल्याडीयटर्स र चितवन टाइगर्स खेल्दै छन् । खेल दिउँसो १ बजेबाट सुरु हुने छ ।
भैरहवा ग्ल्याडीयटर्स
भैरहवामा शरद भेषवाकर कप्तान छन् भने चितवन पृथु बास्कोटाको कप्तानीमा उत्रने छ । समुह चरणमा चितवन भैरहवासँग १२ रनले पराजित भएको थियो । भैरहवा ५ खेलमा ३ मा जित र २ मा हारका साथ तेस्रो स्थानमा रहेर एलिमिनेटर खेल खेलको हो भने चितवन ५ खेलमा ३ मा हार २ मा जितका साथ नेट रन रेटमा विराटनगर वारीयर्सलाई पछि पार्दै अन्तिम चारमा रहेर प्ले अफमा भैरहवासँगको भेट पक्का गर्यो ।
आजको विजेता टोलीले पहिलो क्वालिफायरमा पराजित भएको काठमाडौं किंग्स इलाभेनसँग खेल्ने छ । विजेता टोली उपाधिको लागि आगमी शनिवार ललितपुर प्याट्रीयट्ससँग खेल्ने छ ।
चितवन टाइगर्स
समुह चरणमा कससको प्रर्दशन कस्तो ?
भैरहवाको सुरुवात राम्रो भएपनि अन्त्य राम्रो हुन सकेन । पोखरा राइनोजलाई ४ विकेटले पराजित गर्दै विजयी सुरुवात गरेको भैरहवा दोस्रो खेलमा चितवन टाइगर्सलाई १२ रनले हरायो । तेस्रो खेलमा विराटनगरलाई ४ विकेटले पराजित गर्दै भैरहवा प्ले अफमा पुग्ने पहिलो टिम बन्यो तर चौथो खेलमा काठमाडौंसँग ७ र पाँचौ ललितपुरसँग ६ विकेटले पराजित भएपछि शिर्ष दुई स्थान भित्र रहेर क्वालिफायर खेल खेल्ने मौका गुमायो ।
नेदरल्यान्ड्सका रायन टेन डोस्काटे, यूएईका तीब्र गतिका बलर मोहमम्द नविद, भारतीय ब्याट्सम्यान रवि इन्दर सिंह भैरहवाका प्रमुख हतियार हुन् । तीनै खेलाडीले जारी ईपीएलमा उत्कृष्ट प्रर्दशन गरि रहेका छन् ।
यता भाग्यमानि चितवनको सुरुवात भने राम्रो हुन सकेन । पहिलो खेलमा ललितपुसँग ११ रनले पराजित भएको चितवन दोस्रो खेलमा काठमाडौंसँग ६ विकेट र भैरहवासँग १२ रनले पराजित हुन पुग्यो। चौथो खेलमा विराटनगरलाई ५ रन र अन्तिम खेलमा पोखरा राइनोजलाई ७ विकेटले पराजित गरेपछि चितवन विराटनगरको नतिजा पर्खेर बस्यो ।
नतिजा पनि आफु अनुकुल आएपछि चितवनले प्ले अफमा स्थान बनाएको हो । इंग्ल्यान्डका जोन सिम्पसन, जर्ज स्कट र आयरल्यान्डका ओपनर पाउल स्टरलिङ तथा दिपेन्द्र सिंह ऐरी जारी प्रतियोगितमा चितवनबाट उत्कृष्ट प्रर्दशन गर्ने खेलाडी हुन् ।
