काठमाडौं (हाम्रो खेलकुद) – तेस्रो संकरणको टिभीएस एभरेष्ट प्रिमियर लिगमा आज फाइनल प्रवेशको लागि काठमाडौं किंग्स इलाभने र साविक उप विजेता भैरहवा ग्ल्याडीयटर्स भिड्दै छन् । खेल ११ : ३० वजेबाट सुरु हुने छ ।

भैरहवाले एलिमिनेटरमा चितवन टाइगर्सलाई चार विकेटले हराउँदा काठमाडौं ललितपुरसँग पहिलो क्लालिफायरमा १ विकेटले हारेको थियो । आजको विजेता टोली फाइनलमा पुग्ने छ । यस अघिनै ललितपुर फाइनलमा पुगि सकेको छ । आजको विजेता र ललितपुरबीच फाइनल खेल आगमी शनिबार हुने छ । समुह चरणको खेलमा काठमाडौंले भैरहवालाई ७ विकेटले पराजित गरेको थियो ।

समुह चरणमा कुन टिमको प्रर्दशन कस्तो ?

भैरहवाको सुरुवात राम्रो भएपनि अन्त्य राम्रो हुन सकेन । पोखरा राइनोजलाई ४ विकेटले पराजित गर्दै विजयी सुरुवात गरेको भैरहवाले दोस्रो खेलमा चितवन टाइगर्सलाई १२ रनले हरायो । तेस्रो खेलमा विराटनगरलाई ४ विकेटले पराजित गर्दै भैरहवा प्ले अफमा पुग्ने पहिलो टिम बन्यो तर चौथो खेलमा काठमाडौंसँग ७ र पाँचौ ललितपुरसँग ६ विकेटले पराजित भएपछि शिर्ष दुई स्थान भित्र रहेर सोझै क्वालिफायर खेल खेल्ने मौका गुमायो ।

तर एलिमिनेटरमा चितवनलाई ४ विकेटले पराजित गर्दै क्वालिफायरमा काठमाडौंसँगको भेट पक्का गर्यो । नेदरल्यान्ड्सका रायन टेन डोस्काटे, यूएईका तीब्र गतिका बलर मोहमम्द नविद,भारतीय ब्याट्सम्यान रवि इन्दर सिंह भैरहवाका प्रमुख हतियार हुन् । तीनै खेलाडीले जारी ईपीएलमा उत्कृष्ट प्रर्दशन गरि रहेका छन् ।

काठमाडौंले पहिलो खेलमा चितवनलाई ६ विकेटले पराजित गर्दै विजयी सुरुवात गरेको थियो । दोस्रो खेलमा भने ललितपुरसँग १० विकेटले पराजित हुन पुग्यो । तेस्रो खेलमा पोखरालाई ५ र चौथो खेलमा भैरहवा ग्ल्याडीयटर्सलाई ७ विकेटले पराजित गर्दै एक खेल अगाडीनै काठमाडौंले प्ले अफमा स्थान बनायो ।

त्यस्तै पाँचौ खेलमा विराटनगर वारीयर्सलाई ५ विकेटले पराजित गर्दै काठमाडौं दोस्रो स्थानमा रहेर क्वालिफायरमा ललितपुरसँगको भेट पक्का गरेको हो । तर क्वालिफायरमा ललितपुरसँग १ विकेटले पराजित हुदैँ सोझै फाइनल प्रवेश गर्ने मौका गुमायो । यूएईका कप्तान रोहन मुस्तफा, आयरल्यान्डका अलराउण्डर केभिन ओ ब्राइन, भारतीय प्रदीप साहु, आनन्द सुब्रमनियम र अमित श्रेष्ठ काठमाडौंका मुख्य खेलाडी हुन् । सोमपाल कामी घाईते भएको कारण संभवत आजको खेल पनि खेल्ने छैनन् । काठमाडौंलाई सगर पुनको चोटले पनि पिरोलेको छ । पहिलो खेलमा उनको गोलिगाँठामा चोट लागेको थियो ।