काठमाडौं (हाम्रो खेलकुद) – एभरेष्ट प्रिमियर लिग (ईपीएल) मा म्यान अफ द सिरीज भैरहवा ग्ल्याडीयटर्सका ब्याट्सम्यान रविइन्दर सिंह चुनिएका छन् ।
रवि इन्दर सिंह
रविले पुरस्कारस्वरुप आरटीआर १ सय ६० फोर भि मोटरसाइकल पाए । ईपीएलमा उनले ८ खेलमा १ शतक सहित ३ सय ३७ रन बनाएका थिए ।
उपाधि ललितपुर प्याट्रीयट्सले जितेको छ । फाइनल खेलमा शनिबार भैरहवा ग्ल्याडीयटर्सलाई १४ रनले पराजित गर्दै पहिलो पटक उपाधि जितेको हो । १ सय ५६ रनको लक्ष्य पक्ष्याएको भैरहवाले निर्धारित २० ओभरमा ९ विकेटको क्षतिमा १ सय ४१ रन मात्र बनाउन सक्यो ।
ईपीएल विजेता टोली ललितपुरले २५ लाख पाउँदा उप विजेता टोली भैरहवाले १० लाख हात पारेको छ ।
