काठमाडौं (हाम्रो खेलकुद) – नेपालले जिम्बावेमा सम्पन्न एकदिवसिय विश्वकप छनोटमा आठौं स्थानमा रहेर गत मार्च १५ मा चार वर्षको लागि वान डे अन्तर्राष्ट्रिय (ओडीआई) मान्यता पाएको थियो ।
अगस्ट १ मा नेदरल्यान्डसँग ओडीआई डेब्यू गरेको नेपालले हालसम्म ३ खेल मात्र खेलेको छ । नेदरल्यान्डसँग २ र युएईसँग १ ओडीआई म्याच खेलिसकेकोछ । त्यस्तै जनवरी २५ देखी २८ सम्म यूएईसँग ३ वान डे खेल उसैको घरेलु मैदानमा खेल्ने छ । नेपाली टोलीको बलिङ एसोसियट राष्ट्रकै उत्कृष्टमा पर्ने गर्छ भने टेस्ट राष्ट्रलाई पनि टक्कर दिंदै आएको छ । अर्थात नेपालको जितको मुख्य हतियारनै बलिङ हो ।
बलिङलेनै थुप्रै हारको नजिक पुगेको नेपाली टोलीलाई जितको स्वाद चखाएको छ । नेपालले ओडीआई मान्यता पाएको छोटो समयमै केहि बलरहरुले आफ्नो स्तर देखाइसकेका छन् । हेर्नुहोस ओडीआईमा नेपालका लागि सर्वाधिक विकेट लिने शीर्ष ३ खेलाडी :
सन्दीप लामिछाने:
लेग स्पिनर सन्दीप ओडीआई क्रिकेटमा नेपालबाट सर्वाधिक विकेट लिने खेलाडी हुन् । नेपाललाई ओडीआई दिलाउन सन्दीपको प्रर्दशन महत्वपूर्ण रहेको छ । उनले ३ ओडीआई १ सय ७ रन खर्चदै ८ विकेट लिएका छन् । नेदरल्यान्डसँग डेब्यू खेलमा १ र दोस्रोमा ३ विकेट लिएका सन्दीपले युएईबीरुद्ध ४ विकेट लिदै ओडीआई करियरमै उत्कृष्ट प्रर्दशन गरे ।
सोमपाल कामी:
तीब्र गतिका बलर सोमपाल सर्वाधिक विकेट लिने दोस्रो खेलाडी हुन् । उनले ३ ओडीआई ६ विकेट लिएका छन् । ४.६३ को इकोनमिमा रन खर्चदै ३ /३४ उत्कृष्ट प्रर्दशन गरेका छन् । नेदरल्यान्डसँग डेब्यू खेलमै ३ विकेट लिएका सोमपालले दोस्रोमा १ र युएईसँग २ विकेट लिएका थिए ।
पारस खड्का:
पारस ब्याटिङमा मात्र होइन बलिङमा पनि चम्किने गर्दछन् । तेस्रो स्थानमा रहेका कप्तान पारसले ३ ओडीआई ५ विकेट लिएका छन् । पारसले ३.७७ को इकोनमिमा रन खर्चेर वेस्ट प्रर्दशन ४/२६ रहेको छ । पारसले नेदरल्यान्डबीरुद्ध डेब्यू खेलमै ४ विकेट लिए । दोस्रोमा १ र युएबीरुद्ध भने विकेट लिन सकेनन् ।
यो पनि पढ्नुहोस्:
ओडीआईमा सर्वाधिक रन बनाउने नेपालका तीन खेलाडी
