एजेन्सी – अष्ट्रेलियाविरुद्धको तेस्रो टेस्टको चौथो दिनको खेल सकिँदा पाहुना टोली भारत जित नजिक पुगेको छ । ३ सय ९९ रनको लक्ष्य पक्ष्याएको घरेलु टोली अष्ट्रेलिया चौथो दिनको खेल सकिदा ८५ ओभरमा २ सय ५८ रन बनाउन ८ विकेट गुमाएको छ ।

अष्ट्रेलियालाई जितको लागि पाँचौ दिन १ सय ४१ रन बनाउनु पर्ने हुन्छ तर हातमा २ विकेट मात्र छ । अष्ट्रेलियाका लागि तल्लो क्रमका ब्याट्सम्यान प्याट कमिन्सले करियरकै उत्कृष्ट प्रर्दशन गरे। उनले १ सय ३ बलमा ५ चौका र १ छक्का प्रहार गर्दै ६१ रनमा नट आउट छन् । त्यस्तै नाथन लायनले ३८ बलमा ६ रन बनाई साथ दिएका छन् ।

त्यस अघि अष्ट्रेलियाका उस्मान खवाजा ३३, शन मार्श ४४ र ट्रविस हेड ३४, टिम पेन २६, मिचेल स्टार्क १८ र मिचेल मार्श १० रनमा आउट भए । भारतका लागि रविन्द्र जडेजा ३ र जसप्रित बुमराह र मोहम्मद शामीले समान दुई विकेट लिएका छन् । त्यस्तै इशान्त शर्माको नाममा पनि १ विकेट रह्यो ।

शनिबारनै ५४ रन बनाउन ५ विकेट गुमाएको अवस्थाबाट खेल्न सुरु भएको भारतले १ सय ६ रन बनाउन ८ विकेट गुमाएको अवस्थानमा दोस्रो पाली समाप्त गरेको जनाएको थियो । भारतका लागि मयांक अग्रवाल ४२ र ऋषव पन्त ३३,हनुमा विहारी १३, अजिंक्या रहाणे १, रोहित शर्मा र रविन्द्र जडेजा समान ५ रनमा आउट हुँदा कप्तान विराट कोहली, चेतेश्वर पुजारा र मोहम्मद शामीले खाता सम्म खोल्न पाएनन् ।

अष्ट्रेलियाका लागि प्याट कमिन्सले ११ ओभरमा ३ मेडन सहित २७ रन खर्चेर ६ विकेट लिदा जोश हेजलवुडको नाममा दुई रह्यो ।

तेस्रो दिन अष्ट्रेलिया ६६.५ ओभरमा अल आउट हुदैँ १ सय ५१ रनमा समेटिदा पहिलो इनिङसमा २ सय ९२ रनलेपछि परेको थियो । अष्ट्रेलियाका लागि ओपनर मार्कस ह्यारिस र कप्तान टिम पेनले समान २२ रन बनाउँदा उस्मान खवाजा २१,शन मार्श १९, ट्रविस हेड २० र प्याट कमिन्सले १७ रन जोड्न सके ।

अन्य बाट्सम्यानको ब्याटबाट सम्झन योग्य रन निस्कन सकेन । अष्ट्रेलियालाई सस्तैमा रोक्न भारतका तीब्र गतिका बलर जसप्रित बुमराहले ६ विकेट लिए । रविन्द्र जडेजा २, मोहम्मद शामी र इसान्त शर्माको नाममा पनि समान एक विकेट रह्यो।

त्यस अघि भारतले १६९-४ ओभरमा ७ विकेटको क्षतिमा ४ सय ४३ रनमा इनिङ्स समाप्तीको घोषणा गरेको थियो । भारतका लागि चेतेश्वर पुजाराले शतक, मंयाक अग्रवाल,विराट कोहली र रोहित शर्माले अर्ध शतकको योगदान दिएका थिए ।करियरको १७ औँ शतक पुरा गरेका पुजाराले ३ सय १९ बलमा १० चौका प्रहार गर्दै १०६ रन बटुले ।

पुजारालाई १२५-४ ओभरमा प्याट कमिन्सले बोल्ड गरेका थिए । विराट कोहलीले २०४ बलमा ९ चौका प्रहार गर्दै ८२ रन बनाए । रोहित शर्मा ६३ रनमा नट रहँदा ऋषव पन्त ३९, अजिंक्या रहाणे ३४ र रविन्द्र जडेजा ४ रनमा आउट हुन पुगे ।

पहिलो दिन ओपनर मंयाक अग्रवालले ७६ र हनुमावा विराहीले ८ रन बनाएका थिए । अष्ट्रेलियाका लागि प्याट कमिन्सले ३,मिचेल स्टार्क २,लाथन लायन र जोश हेजलवुडले समान एक विकेट लिए । चार टेस्टको श्रृंखलामा पहिलो खेलमा भारत ३१ रनले विजयी हुँदा दोस्रो खेलमा १ सय ४६ रनले पराजित भएको थियो ।