मेलवर्न – एक्सपर्ट एजुकेसन एण्ड भिसा सर्भिसेसको प्रायोजन र नेपालय इन्टरसेनसलको व्यवस्थापनमा नेपाली क्रिकेटको प्रचारात्मक कार्यक्रमका लागि अष्ट्रेलियामा रहेका कप्तान पारस खड्कालाई मेलवर्न स्टारर्सले विग ब्यासमा सन्दीपको खेल हेर्न निम्तो दिएको छ ।

विग ब्यासमा सन्दीपले मेलवर्न स्टारबाट खेल्दै सानदार प्रर्दशन गरि रहेका छन् । प्रचार कार्यक्रममै रहेको बेला आज सन्दीपलाई भेट्न पारस मेलवर्नमा पुगेका थिए । मेलवर्नमा सन्दीप र पारसले केहि समयसँगै अभ्यास पनि गरे।

अभ्यासपछि एक कार्यक्रममा सन्दीपले पारसलाई आफ्नो जर्सि समेत दिएका छन् । यसै क्रममा क्रममा स्टार्सले पारसलाई मंगलबार हुने मेलबर्न रेनेगेड्ससँगको खेल आफ्नै बक्समा बसेर हेर्न निम्तो दिएको छ ।

पारस सहित दीपेन्द्र सिंह ऐरी र यू–१९ राष्ट्रिय टोलीका पूर्व सदस्य सुवास प्रधान अष्ट्रेलियामा छन् । चौथो खेलमा सन्दीपको टिम स्टार्सले मेलबर्न रेनेगेड्ससँग खेल्ने छ । रेनेगेड्ससँगको खेलमा उत्कृष्ट प्रर्दशन गर्दै सन्दीपले सन् २०१९ मा सानदार सुरुवात गर्ने आसा गरिएको छ ।

विग ब्यासमा सन्दीपको प्रर्दशन
विग ब्यासमा सन्दीपले सानदार प्रर्दशन गरि रहेका छन् । सन्दीपले सुरुवाती ३ खेलमा ७ विकेट लिदैँ सर्वाधिक विकेट लिने खेलाडीको सूचिमा तेस्रो स्थानमा छन् । सन्दीपले डेब्यू खेलमा सिड्नी थन्डरविरुद्ध २, होबार्ट हरिकेन्सविरुद्ध ३ र सिड्नी सिक्सर्सबीरुद्ध २ विकेट लिएका थिए ।